ҚР Үкіметінің 2015 жылғы 11 қыркүйектегі № 771 Қаулысымен күші жойылды
Қазақстан Республикасы
Үкіметінің
2013 жылғы 31 желтоқсандағы
№ 1448 қаулысымен
бекітілген
«Бухгалтерлердің кәсіби ұйымын аккредиттеу туралы куәлік беру»
мемлекеттік көрсетілетін қызмет стандарты
«Бухгалтерлердің кәсіби ұйымын аккредиттеу туралы куәлік беру» мемлекеттік қызмет регламентін қараңыз
1. Жалпы ережелер
1. «Бухгалтерлердің кәсіби ұйымын аккредиттеу туралы куәлік беру» мемлекеттік көрсетілетін қызмет (бұдан әрі - мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Қаржы министрлігі (бұдан әрі - Министрлік) әзірледі.
3. Мемлекеттік көрсетілетін қызметті Қазақстан Республикасы Қаржы министрлігінің Қаржылық бақылау комитеті (бұдан әрі - көрсетілетін қызметті беруші) көрсетеді, сондай-ақ www.e.gov.kz «электрондық үкімет» веб-порталы, www.elicense.kz Е-лицензиялау» веб-порталы (бұдан әрі - портал) арқылы көрсетеді.
2. Мемлекеттік қызмет көрсету тәртібі
4. Мемлекеттік қызмет көрсету мерзімі:
1) құжаттар топтамасын көрсетілетін қызметті берушіге өткізген сәттен бастап, сондай-ақ порталға өтініш білдірген кезде - 25 (жиырма бес) жұмыс күні ішінде;
2) көрсетілетін қызметті алушы құжаттар топтамасын өткізу үшін күтудің ең көп рұқсат етілетін уақыты - 20 минуттан аспайды;
3) қызмет алушыға қызмет көрсетудің ең көп рұқсат етілетін уақыты - 20 минуттан аспайды.
5. Мемлекеттік қызметті көрсету нысаны - электрондық (ішінара автоматтандырылған) және (немесе) қағаз жүзінде.
6. Мемлекеттік қызмет көрсету нәтижесі - бухгалтерлердің кәсіби ұйымын аккредиттеу туралы куәлік, қайта ресімдеу.
Мемлекеттік қызмет көрсету нәтижесі көрсетілетін қызметті беруші уәкілетті тұлғасының электрондық цифрлық қолы (бұдан - әрі ЭЦҚ) куәландырылған электрондық құжат нысанында қызмет алушыға «жеке кабинетіне» жіберіледі.
