Интернаттық ұйымға жатпайтын білім алушыларға медициналық қызмет көрсетуді және оны білім беру жүйесінен денсаулық сақтау жүйесіне беруді жетілдірудің кейбір мәселелері туралы
Қазақстан Республикасы Денсаулық сақтау және әлеуметтік даму министрінің 2016 жылғы 2 желтоқсандағы № 1024 бұйрығы
ҚР Денсаулық сақтау министрінің 2018.10.12. № 696 бұйрығымен күші жойылды
Интернаттық ұйымға жатпайтын білім алушыларға медициналық қызмет көрсетуді және оны білім беру жүйесінен денсаулық сақтау жүйесіне беруді жетілдіру мақсатында БҰЙЫРАМЫН:
1. Қоса беріліп отырған Интернаттық ұйымға жатпайтын білім алушыларға медициналық қызмет көрсетуді және оны білім беру жүйесінен денсаулық сақтау жүйесіне беруді жетілдіру жөніндегі жол картасы (бұдан әрі - Жол картасы) бекітілсін.
2. Жол картасының орындалуына жауапты мемлекеттік органдар (келісім бойынша) және басқа да ұйымдар (келісім бойынша) Қазақстан Республикасы Денсаулық сақтау және әлеуметтік даму министрлігіне Жол картасының іске асырылуы туралы ақпаратты белгіленген мерз3мдерде ұсынсын.
3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі А. В. Цойға жүктелсін.
4. Осы бұйрық қол қойылған күнінен бастап күшіне енеді.
Қазақстан Республикасы
Денсаулық сақтау және
әлеуметтік даму министрінің
2016 жылғы 2 желтоқсандағы
№ 1024 бұйрығымен
бекітемін
Медициналық қызмет көрсетуді және медицина қызметкерлерінің штатын
білім беру жүйесінен денсаулық сақтау жүйесіне беру жөніндегі
жол картасы
Р/с № | Іс-шаралар | Аяқталу нысаны | Орындалу мерзімі | Жауапты орындаушылар |
1 | 2 | 3 | 4 | 6 |
Нормативтік құқықтық базаны жетілдіру |
1 | «Денсаулық сақтау ұйымдарының үлгі штаттары мен штат нормативтерін бекіту туралы» Қазақстан Республикасы Денсаулық сақтау министрінің 2010 жылғы 7 сәуірдегі № 238 бұйрығына өзгерістер мен толықтырулар енгізу | бұйрық | 2017 жылғы қаңтар | ДСӘДМ (МКҰД, ҒАРД) |
