Қазақстан Республикасының «Заңсыз иемденілген активтерді мемлекетке қайтару туралы», «Заңсыз иемденілген активтерді мемлекетке қайтару мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» 2023 жылғы 12 шілдедегі заңдарын және «Прокуратура туралы» Қазақстан Республикасының Конституциялық Заңына өзгерістер мен толықтырулар енгізу туралы» Қазақстан Республикасының 2023 жылғы 12 шілдедегі Конституциялық Заңын іске асыру жөніндегі шаралар туралы
Қазақстан Республикасы Премьер-Министрінің 2023 жылғы 26 шілдедегі № 115-ө өкімі
1. Қоса беріліп отырған қабылдануы Қазақстан Республикасының «Заңсыз иемденілген активтерді мемлекетке қайтару туралы», «Заңсыз иемденілген активтерді мемлекетке қайтару мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» 2023 жылғы 12 шілдедегі заңдармен және «Прокуратура туралы» Қазақстан Республикасының Конституциялық Заңына өзгерістер мен толықтырулар енгізу туралы» Қазақстан Республикасының 2023 жылғы 12 шілдедегі Конституциялық Заңмен негізделген құқықтық актілердің тізбесі (бұдан әрі – тізбе) бекітілсін.
2. Қазақстан Республикасының мемлекеттік органдары:
1) тізбеге сәйкес құқықтық актілердің жобаларын әзірлесін және белгіленген тәртіппен Қазақстан Республикасының Президентіне және Қазақстан Республикасының Үкіметіне бекітуге енгізсін;
2) тізбеге сәйкес тиісті ведомстволық құқықтық актілерді қабылдасын;
3) ай сайын, 30-ы күнінен кешіктірмей, жалпыға қолжетімді мемлекеттік ақпараттандыру объектісінде тізбеге сәйкес құқықтық актілерді әзірлеу және қабылдау туралы ақпарат орналастырып тұрсын.
3. Қазақстан Республикасының Әділет министрлігі аталған заңдарды іске асыру жөніндегі жиынтық ақпаратты талдасын, қорытындыласын және ай сайын, 5-і күнінен кешіктірмей, жалпыға қолжетімді мемлекеттік ақпараттандыру объектісіне орналастырып тұрсын.
| Премьер-Министр | Ә. Смайылов |
Қазақстан Республикасы
Премьер-Министрiнiң
2023 жылғы 26 шілдедегі
№ 115-ө өкiмiмен
бекітілген
