Қазақстан Республикасы Ұлттық экономика министрлігі көрсететін мемлекеттік қызметтер регламенттерін бекіту туралы
Қазақстан Республикасы Ұлттық экономика министрінің 2015 жылғы 20 мамырдағы № 396 бұйрығы
(2019.19.03. берілген өзгерістер мен толықтырулармен)
ҚР Сауда және интеграция министрінің 2020 жылғы 16 наурыздағы № 51-НҚ бұйрығымен күші жойылды
«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 10-бабының 2) тармақшасына сәйкес БҰЙЫРАМЫН:
1. Мына:
1) осы бұйрыққа 1-қосымшаға сәйкес «Жекелеген тауар түрлерінің импортына және (немесе) экспортына лицензия беру»;
2) осы бұйрыққа 2-қосымшаға сәйкес «Қазақстан Республикасының аумағына жекелеген тауарлар түрлерiн экспорттауға және (немесе) импорттауға рұқсат беру»;
3) осы бұйрыққа 3-қосымшаға сәйкес «Тауар биржалары саласында дилерлік қызметпен айналысу құқығына лицензия беру»;
4) осы бұйрыққа 4-қосымшаға сәйкес «Тауар биржалары саласында брокерлік қызметпен айналысу құқығына лицензия беру»;
5) осы бұйрыққа 5-қосымшаға сәйкес «Тауар биржалары қызметімен айналысу құқығына лицензия беру» мемлекеттiк көрсетілетін қызметтер регламенттері бекітілсін.
