2023 жылғы 20 сәуірдегі Қазақстан Республикасының Әлеуметтік кодексін іске асыру жөніндегі шаралар туралы
Қазақстан Республикасы Премьер-Министрінің 2023 жылғы 18 мамырдағы № 79-ө өкімі
Осы редакция 2023 жылғы 2 қазанда енгізілген өзгерістеріне дейін қолданылды
1. Қоса беріліп отырған 2023 жылғы 20 сәуірдегі Қазақстан Республикасының Әлеуметтік кодексін іске асыру мақсатында қабылдануы қажет құқықтық актілердің тізбесі (бұдан әрі - тізбе) бекітілсін.
2. Қазақстан Республикасының мемлекеттік органдары:
1) тізбеге сәйкес құқықтық актілердің жобаларын әзірлесін және заңнамада белгіленген тәртіппен Қазақстан Республикасының Үкіметіне бекітуге енгізсін;
2) тізбеге сәйкес тиісті ведомстволық актілерді қабылдасын;
3) ай сайын, 30-ы күнінен кешіктірмей тізбеге сәйкес құқықтық актілерді әзірлеу және қабылдау туралы ақпаратты жалпыға қолжетімді мемлекеттік ақпараттандыру объектісінде орналастырып тұрсын.
3. Қазақстан Республикасының Әділет министрлігі көрсетілген Кодексті іске асыру жөніндегі жиынтық ақпаратты талдасын, қорытындыласын және айдың 5-і күнінен кешіктірмей, жалпыға қолжетімді мемлекеттік ақпараттандыру объектісінде орналастырып тұрсын.
| Премьер-Министр | Ә. Смайылов |
Қазақстан Республикасы
Премьер-Министрінің
2023 жылғы 18 мамырдағы
№ 79-ө өкімімен
бекітілген
2023 жылғы 20 сәуірдегі Қазақстан Республикасының Әлеуметтік кодексін іске асыру
мақсатында қабылдануы қажет құқықтық актілердің
тізбесі
| Р/с № | Құқықтық актінің атауы | Құқықтық актінің нысаны | Орындауға жауапты мемлекеттік орган | Орындау мерзімі | Құқықтық актіні әзірлеу мен енгізудің сапасына, уақтылығына жауапты тұлға |
| 1 | 2 | 3 | 4 | 5 | 6 |
| 1. | Қазақстан Республикасы Үкіметінің кейбір шешімдеріне өзгерістер мен толықтырулар енгізу және Қазақстан Республикасы Үкіметінің кейбір шешімдерінің және кейбір шешімдерінің құрылымдық элементтерінің күші жойылды деп тану туралы | Қазақстан Республикасы Үкіметінің қаулысы | Еңбекмині | 2023 жылғы маусым | А.Ә. Сарбасов |
