Тауардың шығарылған елін айқындау,шығу тегі туралы сертификатты ресімдеу, куәландыру және беру қағидаларын бекіту және Қазақстан Республикасы Үкіметінің кейбір шешімдерінің күші жойылды деп тану туралы
Қазақстан Республикасы Үкіметінің 2014 жылғы 16 шілдедегі № 793 Қаулысы
Осы редакция 2015 жылғы 10 тамызда енгізілген өзгерістеріне дейін қолданылды
«Тауардың шығарылған елін айқындау, тауардың шығарылуы туралы сертификат беру және оның күшін жою жөніндегі қағидаларды бекіту туралы» Қазақстан Республикасы Инвестициялар және даму министрінің м.а. 2015 жылғы 24 ақпандағы № 155 бұйрығын қараңыз
«Техникалық реттеу туралы» 2004 жылғы 9 қарашадағы Қазақстан Республикасының Заңы 6-бабының 11), 12) тармақшаларына, «Қазақстан Республикасының Ұлттық кәсіпкерлер палатасы туралы» 2013 жылғы 4 шілдедегі Қазақстан Республикасының Заңы 14-бабының 7) тармақшасына сәйкес Қазақстан Республикасының Үкіметі қаулы етеді:
1. Қазақстан Республикасының Ұлттық кәсіпкерлер палатасы ішкі айналымға арналған тауардың шығу тегі туралы сертификатты беруге уәкілетті орган болып айқындалсын.
2. Қоса беріліп отырған Тауардың шығарылған елін айқындау, тауардың шығу тегі туралы сараптама актісін жасау және беру, тауардың шығу тегі туралы сертификатты ресімдеу, куәландыру және беру қағидалары бекітілсін.
3. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
4. Осы қаулы 2014 жылғы 12 шілдеден бастап қолданысқа енгізіледі және ресми жариялануға тиіс.
| Қазақстан Республикасының Премьер-Министрі | К. Мәсімов |
Қазақстан Республикасы Үкіметінің
2014 жылғы 16 шілдедегі
№ 793 қаулысымен бекітілген
Тауардың шығарылған елін айқындау, тауардың шығу тегі туралы
сертификатты ресімдеу, куәландыру және беру
қағидалары
1. Жалпы ережелер
