«Қылмыстық-құқықтық саладағы сот есептерінің, электрондық ақпараттық есепке алу құжаттарының нысандарын және оларды енгізу және қалыптастыру жөніндегі нұсқаулықты бекіту туралы» Қазақстан Республикасы Бас Прокурорының 2023 жылғы 4 қаңтардағы № 2 бұйрығына өзгерістер мен толықтырулар енгізу туралы
Қазақстан Республикасы Бас Прокурорының 2025 жылғы 23 маусымдағы № 82 бұйрығы
БҰЙЫРАМЫН:
1. «Қылмыстық-құқықтық саладағы сот есептерінің, электрондық ақпараттық есепке алу құжаттарының нысандарын және оларды енгізу және қалыптастыру жөніндегі нұсқаулықты бекіту туралы» Қазақстан Республикасы Бас Прокурорының 2023 жылғы 4 қаңтардағы № 2 бұйрығына (Нормативтік құқықтық актілерді мемлекеттік тіркеу тізілімінде № 31647 болып тіркелген) мынадай өзгерістер мен толықтырулар енгізілсін:
1-тармақ мынадай редакцияда жазылсын:
«1. Мыналар:
1) осы бұйрықтың 1-қосымшасына сәйкес «Қылмыстық істерді қарау жөніндегі бірінші сатыдағы соттардың жұмысы туралы есеп» № 1 нысаны;
2) осы бұйрықтың 2-қосымшасына сәйкес «Қылмыстық істерді қарау жөніндегі апелляциялық сатыдағы соттардың жұмысы туралы есеп» № 6 нысаны;
3) осы бұйрықтың 3-қосымшасына сәйкес «Өлім жазасына немесе өмір бойына бас бостандығынан айыруға сотталған адамдарға қатысты қылмыстық істерді қарау жөніндегі апелляциялық сатыдағы соттардың жұмысы туралы есеп» № 6а нысаны;
4) осы бұйрықтың 4-қосымшасына сәйкес «Қылмыстық істерді қарау жөніндегі кассациялық сатыдағы соттың жұмысы туралы есеп» № 6К нысаны;
5) осы бұйрықтың 5-қосымшасына сәйкес «Өлім жазасына немесе өмір бойына бас бостандығынан айыруға сотталған адамдарға қатысты қылмыстық істерді қарау жөніндегі кассациялық сатыдағы соттың жұмысы туралы есеп» № 6Ка нысаны;
6) осы бұйрықтың 5-1-қосымшасына сәйкес «Қылмыстық істерді қарау жөніндегі Қазақстан Республикасының Жоғарғы Соттың жұмысы туралы есеп» № 8 нысаны;
