Осы редакция 2017 жылғы 18 қазанда енгізілген өзгерістеріне дейін қолданылды
Қазақстан Республикасы
Үкіметінің
2007 жылғы 22 мамырдағы
№ 406 қаулысымен
бекітілген
Жеке және заңды тұлғалардың (филиалдар мен өкілдіктердің), сондай-ақ
дара кәсіпкерлердің сәйкестендіру нөмірін қалыптастыру және бұрын берілген
құжаттарды қайта ресімдеу үшін өтініш жасау
ережесі
(2013.26.08. берілген өзгерістермен)
1. Жалпы ережелер
1. Осы Жеке және заңды тұлғалардың (филиалдар мен өкілдіктердің), сондай-ақ дара кәсіпкерлердің сәйкестендіру нөмірін қалыптастыру және бұрын берілген құжаттарын қайта ресімдеу үшін өтініш жасау ережесі (бұдан әрі - Ереже) «Сәйкестендіру нөмірлерінің ұлттық тізілімдері туралы» Қазақстан Республикасының 2007 жылғы 12 қаңтардағы Заңына (бұдан әрі - Заң) сәйкес әзірленді.
2. Осы Ереженің мақсаты жеке және заңды тұлғалардың (филиалдар мен өкілдіктердің), сондай-ақ дара кәсіпкерлердің сәйкестендіру нөмірін қалыптастыру және бұрын берілген құжаттарын қайта ресімдеу үшін өтініш жасауының бірыңғай тәртібін айқындау болып табылады.
2. Жеке тұлғалардың жеке сәйкестендіру нөмірін қалыптастыру және
бұрын берілген құжаттарын қайта ресімдеу үшін өтініш жасауы
ҚР Үкіметінің 2013.26.08. № 853 Қаулысымен 3-тармақ жаңа редакцияда (бұр.ред.қара)
3. Жеке куәлігінің беткі жағында, туған күнінен төменде, сондай-ақ паспорттың 32-бетінде машина оқитын мәтінде 12 цифрдан тұратын комбинация түріндегі жеке сәйкестендіру нөмірі (бұдан әрі - ЖСН) көрсетілмеген Қазақстан Республикасының азаматтары бұрын берілген құжаттарын ЖСН-і бар жеке басын куәландыратын құжаттарға қайта ресімдеу үшін тұрақты тұратын жері бойынша аумақтық ішкі істер органдарына жүгінеді.
4. Қазақстан Республикасында тұруға берілген ықтиярхатының беткі жағында, туған күнінен төменде ЖСН көрсетілмеген Қазақстан
