Телерадио хабарларын тарату операторларының қызмет көрсету қағидаларын бекіту туралы
Қазақстан Республикасы Мәдениет және ақпарат министрінің 2012 жылғы 29 маусымдағы № 89/1 бұйрығы
(2015.23.10. берілген өзгерістермен)
Осы редакция 2018 жылғы 7 наурызда енгізілген өзгерістеріне дейін қолданылды
ҚР Инвестициялар және даму министрінің 2015.23.10. № 1005 бұйрығымен кіріспе жаңа редакцияда (бұр.ред.қара)
«Телерадио хабарларын тарату туралы» 2012 жылғы 18 қаңтардағы Қазақстан Республикасы Заңының 7-бабы 1-тармағының 11) тармақшасына сәйкес БҰЙЫРАМЫН:
1. Қоса беріліп отырған Телерадио хабарларын тарату операторларының қызмет көрсету қағидалары бекітілсін.
2. Қазақстан Республикасы Мәдениет және ақпарат министрлігінің Стратегиялық жоспарлау және халықаралық ынтымақтастық департаменті:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың орнатылған тәртіпке сәйкес ресми түрде жариялануын;
3) осы бұйрықтың Қазақстан Республикасы Мәдениет және ақпарат министрлігінің интернет-ресурсында жариялануын қамтамасыз етсін.
3. Осы бұйрықтың орындалуын бақылау Қазақстан Республикасы Мәдениет және ақпарат вице-министрі А.О. Қырықбаевқа жүктелсін.
4. Осы бұйрық ресми түрде алғашқы жарияланған күнінен кейінгі он күнтізбелік күн өткен соң қолданысқа енгізіледі.
КЕЛІСІЛДI
Қазақстан Республикасы
Көлік және коммуникация министрі
А. Жұмағалиев
2012 жылғы 29 маусым
Қазақстан Республикасы
Мәдениет және ақпарат министрлігінің
2012 жылғы 29 маусымдағы № 89/1
бұйрығымен бекітілген
Телерадио хабарларын тарату операторларының қызмет көрсету
қағидасы
1. Жалпы ережелер
1. Осы Телерадио хабарларын тарату операторларының қызмет көрсету қағидасы (бұдан әрі - Қағида) Қазақстан Республикасының 2012 жылғы 18 қаңтардағы «Телерадио хабарларын тарату туралы» Заңына сәйкес әзірленген және Қазақстан Республикасы аумағында телерадио хабарларын тарату қызметтерін көрсету тәртібін анықтайды.
