Жылына елу мың және одан да көп тонна шартты отынға барабар көлемде энергетикалық ресурстарды тұтынатын Мемлекеттік энергетикалық тізілім субъектілері үшін энергия тиімділігі бойынша нысаналы индикаторларды белгілеу туралы
Қазақстан Республикасы Индустрия және инфрақұрылымдық даму министрінің м.а. 2022 жылғы 29 қарашадағы № 663 бұйрығы
(2024.18.11. берілген өзгерістермен)
«Энергия үнемдеу және энергия тиімділігін арттыру туралы» Қазақстан Республикасы Заңының 5-бабының 6-17) тармақшасына сәйкес БҰЙЫРАМЫН:
1. Осы бұйрыққа қосымшаға сәйкес энергетикалық ресурстарды жылына елу мың және одан да көп тонна шартты отынға барабар көлемде тұтынатын Мемлекеттік энергетикалық тізілім субъектілері үшін энергия тиімділігі жөніндегі нысаналы индикаторлар белгіленсін.
2. Қазақстан Республикасы Индустрия және инфрақұрылымдық даму министрлігінің Индустриялық даму комитеті:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.
| Қазақстан Республикасы Индустрия және инфрақұрылымдық даму министрінің міндетін атқарушы | Е. Дауылбаев |
«Келісілді»
Қазақстан Республикасы
Ұлттық экономика министрлігі
«Келісілді»
Қазақстан Республикасы
Энергетика министрлігі
ҚР Өнеркәсіп және құрылыс министрінің м.а. 2024.10.09. № 322 бұйрығымен индикаторлар өзгертілді (2024 ж. 18 қарашадан бастап қолданысқа енгізілді) (бұр.ред.қара)
Қазақстан Республикасы
Индустрия және
инфрақұрылымдық даму
министрінің міндетін атқарушының
2022 жылғы 29 қарашадағы
№ 663 бұйрығына қосымша
