Қазақстан Республикасы Әділет министрлігінің аттестаттау комиссиялары қызметінің қағидасын бекіту туралы
Қазақстан Республикасы Әділет министрінің 2015 жылғы 27 ақпандағы № 116 бұйрығы
«Қазақстан Республикасындағы сот-сараптама қызметі туралы» Қазақстан Республикасы Заңының 14-бабына және «Әділет органдары туралы» Қазақстан Республикасы Заңының 7-бабы 2-тармағының 3) тармақшасына сәйкес, БҰЙЫРАМЫН:
1. Қоса беріліп отырған Қазақстан Республикасы Әділет министрлігінің аттестаттау комиссиялары қызметінің қағидасы бекітілсін.
2. Қазақстан Республикасы Әділет министрлігінің Сот сараптамасы орталығы осы бұйрықты Қазақстан Республикасы Әділет министрлігінің ресми интернет-ресурсында орналастыруды қамтамасыз етсін.
3. «Қазақстан Республикасы Әділет министрлігінің аттестаттау комиссиясы қызметінің ережесін бекіту туралы» Қазақстан Республикасы Әділет министрінің 2010 жылғы 20 сәуірдегі № 126 бұйрығының күші жойылсын.
4. Осы бұйрықтың орындалуын бақылау Қазақстан Республикасы Әділет министрінің жетекшілік ететін орынбасарына жүктелсін.
5. Осы бұйрық қол қойылған күнінен бастап күшіне енеді.
Қазақстан Республикасы
Әділет министрінің
2015 жылғы 27 ақпандағы
№ 116 бұйрығымен бекітілген
Қазақстан Республикасы Әділет министрлігінің аттестаттау комиссиялары қызметінің
қағидасы
1. Осы Қағида «Қазақстан Республикасындағы сот сараптама қызметі туралы» Қазақстан Республикасының 2010 жылғы 20 қаңтардағы Заңына (бұдан әрі - Заң) сәйкес әзірленді және Қазақстан Республикасы Әділет министрлігінің аттестаттау комиссиялары (бұдан әрі - Комиссиялар) қызметінің бірыңғай тәртібін айқындайды.
2. Комиссиялардың құрамы мүшелерінің тақ санынан тұрады (кемінде 5 адамнан) және Қазақстан Республикасы Әділет министрлігінің сот сараптамасы органдары басшыларының ұсынысы бойынша Қазақстан Республикасы Әділет министрінің бұйрығымен бекітіледі.
3. Комиссия құрамына:
