Қазақстан Республикасы Ұлттық экономика министрінің «Кепілдік жарнаның мөлшерін айқындау әдістемесін бекіту туралы» 2016 жылғы 28 шілдедегі № 338 және «Кепілдік беру туралы шарт жасасу үшін көппәтерлі тұрғын үй құрылысының жобасы бойынша құжаттарды қарау қағидаларын бекіту туралы» 2016 жылғы 30 қыркүйектегі № 432 бұйрықтарға өзгерістер мен толықтырулар енгізу туралы
Қазақстан Республикасы Индустрия және инфрақұрылымдық даму министрінің м.а. 2023 жылғы 25 сәуірдегі № 281 бұйрығы
БҰЙЫРАМЫН:
1. «Кепілдік жарнаның мөлшерін айқындау әдістемесін бекіту туралы» Қазақстан Республикасы Ұлттық экономика министрінің 2016 жылғы 28 шілдедегі № 338 бұйрығына (Нормативтік құқықтық актілерінің мемлекеттік тізілімінде № 14190 болып тіркелген) мынадай өзгерістер енгізілсін:
көрсетілген бұйрықпен бекітілген кепілдік жарнаның мөлшерін айқындау әдістемесінде:
4-тармақ мынадай редакцияда жазылсын:
«4. Кепілдік жарна мөлшерін айқындау үшін Қазақстан Республикасы Ұлттық экономика министрінің 2016 жылғы 30 қыркүйектегі № 432 бұйрығымен бекітілген (Нормативтік құқықтық актілерінің мемлекеттік тізілімінде № 14190 болып тіркелген) Кепілдік беру туралы шарт жасасу үшін көппәтерлі тұрғын үй құрылысының жобасы бойынша құжаттарды қарау қағидаларына сәйкес тәуекел көрсеткіштері мен факторларының бағалауына негізделген көп факторлы модель қолданылады.»;
5, 7- тармақтар алып тасталсын;
«Тәуекел көрсеткіштері мен факторларының бағалауына негізделген көпфакорлы үлгі» кепілдік жарнаның мөлшерін айқындау әдістемесіне қосымша алып тасталсын.
2. «Кепілдік беру туралы шарт жасасу үшін көппәтерлі тұрғын үй құрылысының жобасы бойынша құжаттарды қарау қағидаларын бекіту туралы» Қазақстан Республикасы Ұлттық экономика министрінің 2016 жылғы 30 қыркүйектегі № 432 бұйрығына (нормативтік құқықтық актілерінің мемлекеттік тізілімінде № 14312 болып тіркелген) мынадай толықтырулар енгізілсін:
