Қазақстан Республикасының Жоғары Сот Кеңесі жанындағы Сот төрелігі академиясының ақпараттық жүйелері мен интернет-ресурстарына қойылатын талаптарды бекіту туралы
Қазақстан Республикасы Жоғары Сот Кеңесінің хатшысы - аппарат басшысының 2024 жылғы 4 қарашадағы № 1-8/53 өкімі
«Білім туралы» Қазақстан Республикасы Заңының 5-2-бабының 12) тармақшасына, «Қазақстан Республикасының Жоғары Сот Кеңесі туралы» Қазақстан Республикасы Заңының 5-бабы 1-тармағының 10) тармақшасына сәйкес:
1. Қазақстан Республикасының Жоғары Сот Кеңесінің жанындағы Сот төрелігі академиясының ақпараттық жүйелері мен интернет-ресурстарына қойылатын талаптар осы өкімнің қосымшасына сәйкес бекітілсін.
2. Қазақстан Республикасы Жоғары Сот Кеңесі аппаратының Сот оқуы және біліктілік емтиханын ұйымдастыру бөлімі осы өкімнің Қазақстан Республикасы Жоғары Сот Кеңесінің ресми интернет-ресурсында орналастырылуын қамтамасыз етсін.
3. Осы өкім оған қол қойылған күнінен бастап күшіне енеді.
| Қазақстан Республикасы Жоғары Сот Кеңесінің Төрағасы | Д. Малахов |
Қазақстан Республикасы
Жоғары Сот Кеңесі
Төрағасының
2024 жылғы 4 қарашадағы
№ 1-8/53 өкіміне
қосымша
Қазақстан Республикасы Жоғары Сот Кеңесінің жанындағы Сот төрелігі
академиясының ақпараттық жүйелері мен интернет-ресурстарына қойылатын
талаптар
1. Жалпы ережелер
1. Осы Қазақстан Республикасы Жоғары Сот Кеңесінің жанындағы Сот төрелігі академиясынның ақпараттық жүйелері мен интернет-ресурстарына қойылатын талаптар (бұдан әрі - Талаптар) «Білім туралы» 2007 жылғы 27 шілдедегі Қазақстан Республикасының Заңы 5-2 бабының 12) тармақшасына сәйкес әзірленген.
2. Талаптар Қазақстан Республикасы Жоғары Сот Кеңесінің жанындағы Сот төрелігі академиясының (бұдан әрі - Академия) ақпараттық жүйелері мен интернет-ресурстарының мазмұнын, қызмет етуін анықтайды.
