Қазақстан Республикасы Қаржы министрлігінің ведомстволық бағыныстағы ұйымдары туралы
Қазақстан Республикасы Үкіметінің 1999 жылғы 11 қаңтардағы № 20 Қаулысы
(2013.05.08. берілген өзгерістермен)
Қазақстан Республикасы Үкіметінің «1999 жылға арналған мемлекеттік бюджетті әзірлеу үшін Қазақстан Республикасы Қаржы министрлігінің бағдарламалары мен кіші бағдарламаларының тізбесін бекіту туралы» 1998 жылғы 5 қыркүйектегі № 847 және «Мемлекеттік бюджеттен қаржыландырылатын бағдарламалардың әкімші-мекемелерінің мәселелері» туралы 1998 жылғы 25 желтоқсандағы № 1335 қаулыларына сәйкес Қазақстан Республикасының Үкіметі қаулы етеді:
1. «Қазақстан Республикасы Қаржы министрлігінің бас есептеу орталығы» шаруашылық жүргізу құқығындағы республикалық мемлекеттік кәсіпорны құрылсын.
2. Мына мекемелер:
1) Қазақстан Республикасы Қаржы министрлігінің қызметтік үй-жайларды пайдалану және шаруашылық қызмет көрсету жөніндегі басқармасы «Қазақстан Республикасы Қаржы министрлігінің Шаруашылық басқармасы» шаруашылық жүргізу құқығындағы республикалық мемлекеттік кәсіпорны етіп қайта құру жолымен;
2) ҚР Үкіметінің 1999.08.27. № 1264 қаулысымен алып тасталды
ҚР Үкіметінің 1999.08.27. № 1264 улысымен 3-тармақ өзгертілді
3. Қазақстан Республикасының Қаржы министрлігі мемлекеттік басқару органы, сондай-ақ құрылып отырған кәсіпорынға қатысты мемлекеттік меншік құқығы субъектісінің функцияларын жүзеге асыратын орган болып белгіленсін.
4. Қазақстан Республикасының Қаржы министрлігі бір ай мерзім ішінде жарғылық мақсаттарды жүзеге асыруға қажетті мемлекеттік мүлікті енгізе отырып, осы қаулының 1 және 2-тармақтарында көрсетілген кәсіпорындардың жарғылық капиталын қалыптастырсын, заңдардың талаптарын ескере отырып, жарғыларын бекітсін және оларды заңдарда белгіленген тәртіппен тіркеуден өткізсін.
5. Қазақстан Республикасы Қаржы министрлігінің Мемлекеттік мүлік және жекешелендіру департаменті «Қаржы-қаражат» республикалық баспасын мүліктік кешен ретінде заңдарда белгіленген тәртіппен жекешелендіруді жүзеге асырсын.
6. ҚР Үкіметінің 2013.05.08. № 796 Қаулысымен күші жойылды (бұр.ред.қара)
7. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
