Қазақстан Республикасы мен Ресей Федерациясы арасындағы Сарышаған сынақ
полигонын пайдалану мен жалға беру шарттары және Приозерск қаласының
тiршiлiк әрекетiн қамтамасыз ету туралы
Келісім
(Москва қаласы, 1995 ж. 20 қаңтар)
(2015.16.04. берілген өзгерістер мен толықтырулармен)
2000 жылғы 5 шілдедегі № 74-II ҚР Заңымен бекітілді
2000 жылғы 27 шілдеде күшіне енді
2006 ж. 4 сәуірдегі Хаттамамен кіріспе өзгертілді (бұр.ред.қара)
Әрі қарай Тараптар деп аталатын Қазақстан Республикасы мен Ресей Федерациясы,
Қазақстан Республикасы мен Ресей Федерациясы арасындағы 1992 жылғы 25 мамырдағы достық, ынтымақтастық және өзара көмек туралы Шарттың, Қазақстан Республикасы мен Ресей Федерациясы арасындағы 1993 жылғы 22 қаңтардағы сынақ полигондарын пайдалану тәртібі туралы Келісімнiң ережелерiне сүйене отырып;
Қазақстан Республикасы мен Ресей Федерациясы арасындағы 1994 жылғы 28 наурыздағы әскери ынтымақтастық туралы шартты, 1994 жылғы 28 наурыздағы Қазақстан Республикасы мен Ресей Федерациясы арасындағы әскери-техникалық ынтымақтастық туралы келісімдi басшылыққа ала отырып,
жылжымалы және тұрақты мүлкiмен Қазақстан Республикасы аумағында орналасқан Сарышаған полигоны және Приозерск қаласының объектiлерi Қазақстан Республикасының меншiгi екендігiн ескере отырып, және Тараптардың қорғаныс қабілетiн қамтамасыз ету мақсатында, ғылымы мен экономикасын дамыту мүддесi үшiн Сарышаған полигонын сақтау және дамыту қажеттiгiн мойындай отырып,
төмендегілер жөнінде келісті:
2006 ж. 4 сәуірдегі Хаттамамен 1-бап өзгертілді (бұр.ред.қара)
1-бап
