Қазақстан Республикасы Президентінің азаматтарға кешірім жасауды жүзеге
асыру тәртібі туралы ережені бекіту туралы 1996 ж. 7 мамырдағы № 2975
Қазақстан Республикасы Президентінің Жарлығы
(ҚР Президентінің 18.02.98 ж. № 3841; 13.02.01 ж. № 557; 04.02.04 ж. №
1288; 2005.16.05. № 1573 Жарлықтарымен енгізілген өзгерістерімен)
ҚР Президентінің 2006.05.07. № 140 Жарлығымен күші жойылды
Қазақстан Республикасы Конституциясының 44-бабының 15)-тармақшасында көзделген Қазақстан Республикасы Президентінің өкілеттігін іске асыру тәртібін анықтау мақсатында қаулы етемін:
1. Қазақстан Республикасы Президентінің азаматтарға кешірім жасауды жүзеге асыру тәртібі туралы ережелер (қоса беріліп отыр) бекітілсін.
2. Қазақстан Республикасы Президенті Әкімшілігінің Басшысы осы Жарлық күшіне енген күннен бастап екі апта мерзім ішінде Қазақстан Республикасы Президентінің жанындағы Кешірім жасау мәселелері жөніндегі комиссияның дербес құрамы туралы Мемлекет басшысының қарауына ұсыныстар енгізсін.
3. Қазақстан Республикасы Президентінің мына қаулыларының күші жойылған деп танылсын:
1) "Қазақстан Республикасында кешірім жасауды жүзеге асыру тәртібі туралы" 1992 жылғы 25 қаңтардағы № 586 қаулысы;
2) "Қазақстан Республикасы Президентінің "Қазақстан Республикасында кешірім жасауды жүзеге асыру тәртібі туралы" 1992 жылғы 25 қаңтардағы қаулысына толықтырулар енгізу туралы" 1993 жылғы 7 қаңтардағы № 1052 қаулысы.
4. Осы Жарлық қол қойылған күнінен бастап күшіне енеді.
Қазақстан Республикасының
Президенті
Қазақстан Республикасы
Президентінің
1996 жылғы 7 мамырдағы № 2975
Жарлығымен
бекітілген
ҚР Президентінің 2005.16.05. № 1573 Жарлығымен ереженің мәтіні өзгертілді (бұр. ред. қара)
Қазақстан Республикасы Президентінің азаматтарға
кешірім жасауды жүзеге асыру тәртібі туралы
ЕРЕЖЕЛЕР
Осы Ережелер Қазақстан Республикасы Конституциясының 44-бабының 15)-тармақшасына сәйкес Қазақстан Республикасы Президентінің азаматтарға кешірім жасау тәртібін белгілейді.
ҚР Президентінің 18.02.98 ж. № 3841 Жарлығымен 1-тармақ өзгертілді;
