Қазақстан Республикасының кейбір заң актілеріне
арнаулы мемлекеттік жәрдемақылар мәселелері бойынша
өзгеріс пен толықтырулар енгізу туралы 2000 жылғы
21 желтоқсандағы № 130-II Қазақстан Республикасының Заңы
1-бап. Қазақстан Республикасының мына заң актілеріне өзгеріс пен толықтырулар енгізілсін:
1. "Қазақстан Республикасындағы арнаулы мемлекеттік жәрдемақы туралы" 1999 жылғы 5 сәуірдегі Қазақстан Республикасының Заңына (Қазақстан Республикасы Парламентінің Жаршысы, 1999 ж., № 8, 238-құжат; № 23, 925-құжат):
1) 4-бапта:
мынадай мазмұндағы 4-1) тармақшамен толықтырылсын:
"4-1) Кеңес Одағының Батырлары, Социалистік Еңбек Ерлері, үш дәрежелі Даңқ, үш дәрежелі Еңбек Даңқы ордендерінің иегерлері;";
9) тармақша "Ардақты ана" атағын алған" деген сөздерден кейін ", сондай-ақ І және ІІ дәрежелі "Ана даңқы" ордендерімен марапатталған" деген сөздермен толықтырылсын;
2) 7-бапта:
мынадай мазмұндағы 7-1) тармақшамен толықтырылсын:
"7-1) Кеңес Одағының Батырларына, Социалистік Еңбек Ерлеріне, үш дәрежелі Даңқ, үш дәрежелі Еңбек Даңқы ордендерінің иегерлеріне - 9,0 айлық есептік көрсеткіш;";
12) тармақша "Ардақты ана" атағын алған" деген сөздерден кейін ", І және ІІ дәрежелі "Ана даңқы" ордендерімен марапатталған" деген сөздермен толықтырылсын.
2. "Қазақстан Республикасының мемлекеттік наградалары туралы" Заңды күшіне енгізу туралы" 1993 жылғы 1 сәуірдегі Қазақстан Республикасы Жоғарғы Кеңесінің Қаулысына (Қазақстан Республикасы Жоғарғы Кеңесінің Жаршысы, 1993 ж., № 8, 158-құжат; 1995 ж., № 23, 143-құжат):
4-тармақтың екiншi, үшiншi және төртiншi абзацтары алып тасталсын.
2-бап. 2001 жылғы 1 қаңтардан бастап қолданысқа енгiзiлетiн, I және II дәрежелi "Ана даңқы" ордендерiмен марапатталған адамдарға арнаулы мемлекеттік жәрдемақылар төлеуге қатысты нормаларды қоспағанда, осы Заң 2000 жылғы 1 қаңтардан бастап қолданысқа енедi.
Қазақстан Республикасының
| Президентi | | | | | | | | | | Н.А. Назарбаев |
