«Саяси партиялар туралы» Заңның Қазақстан Республикасы Конституциясына сәйкестiлiгін тексеру туралы
Қазақстан Республикасы Конституциялық Кеңесінің 2002 жылғы 11 шілдедегi № 6 Қаулысы
(2011.27.04. берілген өзгерістермен)
Қазақстан Республикасының Конституциялық Кеңесi, Төраға Ю.А. Хитрин, Кеңес мүшелерi Х.Ә. Әбiшев, Қ.Ж. Балтабаев, С.Ф. Бычкова, А. Есенжанов, А.К. Котов және Қ.Ә. Омарханов қатысқан құрамда, мыналардың:
Мемлекет басшысының өкiлi - Қазақстан Республикасы Президентi Әкiмшiлiгiнiң Мемлекеттік-құқық бөлiмi меңгерушiсiнiң бiрiншi орынбасары Т.С. Донақовтың;
Қазақстан Республикасы Парламентi Сенаты мен Мәжілісiнiң депутаттары Е.Ж. Жұмабаев пен Р.Қ. Сәрпековтiң;
Қазақстан Республикасы Орталық сайлау комиссиясының мүшесi В.К. Фоостың;
Қазақстан Республикасы Бас Прокурорының орынбасары А.Қ.Дауылбаевтың; әдiлет бiрiншi вице-министрi Б.Ғ. Рахымбековтiң, Әдiлет министрлігінiң Тiркеу қызметi комитетi төрағасының орынбасары Е.Ә. Сапаровтың;
Қазақстан Республикасы Мәдениет, ақпарат және қоғамдық келісім министрлігі Iшкi саясат департаментi директорының орынбасары С.Ә. Қожкеновтiң қатысуымен,
өзiнiң ашық отырысында Қазақстан Республикасы Президентінің «Саяси партиялар туралы» Заңның Қазақстан Республикасы Конституциясына сәйкестiлiгiн тексеру туралы өтiнiшiн қарады.
Қазақстан Республикасының Парламентi Палаталары, Үкіметi, Орталық сайлау комиссиясы және Бас прокуратурасы берген құжаттарды, сондай-ақ конституциялық iс жүргiзудiң өзге де материалдарын зерделеп, баяндамашыны - Конституциялық Кеңестiң мүшесi А.К. Котовты, өтiнiш субъектiсi өкiлiнiң және отырысқа қатысушылардың сөздерiн тыңдап, Қазақстан Республикасының Конституциялық Кеңесi мынаны
АНЫҚТАДЫ:
«Саяси партиялар туралы» Қазақстан Республикасының Заңын Қазақстан Республикасының Парламентi 2002 жылғы 26 маусымда қабылдап, 2002 жылғы 2 шiлдеде Қазақстан Республикасы Президентінің қол қоюына ұсынды.
