Қазақстан Республикасы Жоғарғы Соты Пленумының "Сот тәжірибесінде
азаматтардың және заңды тұлғалардың ар-намысы мен абыройын және іскерлік
беделділігін қорғау жөніндегі заңдылықты қолдану туралы" 1992 жылғы 18
желтоқсандағы № 6 қаулысына (Пленумның 1998 жылғы 15 мамырдағы № 5
қаулысымен енгізілген өзгерістерімен бірге) өзгерістер енгізу туралы
Қазақстан Республикасы Жоғарғы Сотының 2004 жылғы 18 маусымдағы № 10
Нормативтік қаулысы
Қазақстан Республикасы заңнамасының өзгеруіне байланысты Қазақстан Республикасы Жоғарғы Сотының жалпы отырысы қаулы етеді:
1. Қазақстан Республикасы Жоғарғы Соты Пленумының "Сот тәжірибесінде азаматтардың және заңды тұлғалардың ар-намысы мен абыройын және іскерлік беделділігін қорғау жөніндегі заңдылықты қолдану туралы" 1992 жылғы 18 желтоқсандағы № 6 қаулысына мынадай өзгерістер енгізілсін:
1) қаулының атауындағы "Соты Пленумының қаулысы" деген сөздер "Сотының нормативтік қаулысы" деген сөздермен, "азаматтардың" деген сөз "жеке тұлғалардың" деген сөздермен ауыстырылсын;
2) кіріспе мынадай редакцияда жазылсын:
"Жеке тұлғалар мен заңды тұлғалардың ар-намысына, абыройына және іскерлік беделіне нұқсан келтіретін, шындыққа жанаспайтын мәліметтердің таралуына жол бермеуге бағытталған заңмен көзделген әдістер жеке мүліктік емес құқықтар мен игіліктерді қорғаудың әсерлі құралы болып табылады.
Жеке тұлғалар мен заңды тұлғалардың ар-намысын, абыройын және іскерлік беделін қорғау жөніндегі заңдардың біркелкі қолданылуы мақсатында Қазақстан Республикасы Жоғарғы Сотының жалпы отырысы қаулы етеді:";
3) 2-тармақтың бірінші абзацындағы "Азаматтық Кодекстің 7 бабы бойынша" деген сөздер "Қазақстан Республикасының Азаматтық кодексінің (бұдан әрі - АК) 141, 143-баптарымен, Қазақстан Республикасының Азаматтық іс жүргізу кодексінің (бұдан әрі - АІЖК) 24 және 152-баптарымен көзделген тәртіпте және негіздер бойынша" деген сөздермен ауыстырылсын;
