Қазақстан Республикасының Қаржы министрлiгі Мемлекеттiк мүлiк және
жекешелендіру комитетiнiң кейбiр мәселелерi Қазақстан Республикасы
Үкіметінің 2002 жылғы 15 қазандағы N 1127 қаулысы
Осы редакция 2004 ж. 28 қазандағы енгізілген өзгерістеріне дейін қолданылды
Қазақстан Республикасы Президентiнiң "Алматы облысының әкiмшiлiк орталығын көшiру туралы" 2001 жылғы 14 сәуiрдегi N 585 Жарлығына сәйкес Қазақстан Республикасының Yкiметi қаулы етеді:
1. Қазақстан Республикасы Қаржы министрлiгiнiң "Жетiсу мемлекеттiк мүлiк және жекешелендiру аймақтық комитетi" мемлекеттiк мекемесi (бұдан әрi - Мекеме) құрылсын.
2. Қазақстан Республикасы Қаржы министрлiгiнiң "Алматы мемлекеттiк мүлiк және жекешелендiру аумақтық комитетi" мемлекеттiк мекемесi оған Қазақстан Республикасы Қаржы министрлiгiнiң "Талдықорған мемлекеттiк мүлiк және жекешелендiру аймақтық комитетi" мемлекеттiк мекемесiн қосу жолымен қайта ұйымдастырылсын.
3. Қазақстан Республикасының Қаржы министрлiгi Мекеменiң штат санын Қазақстан Республикасының Қаржы министрлiгi Мемлекеттік мүлiк және жекешелендiру комитетiнiң аумақтық органдары қызметкерлерiнiң штат саны лимитiнiң шегiнде анықтасын.
4. Көрсетiлген мекемелердi қаржыландыру Қазақстан Республикасының Қаржы министрлiгiне республикалық бюджетте көзделген қаражаттың есебiнен және шегiнде жүргiзiледi деп белгiленсiн.
5. Қазақстан Республикасы Қаржы министрлiгiнiң Мемлекеттік мүлiк және жекешелендiру комитетi заңнамада белгiленген тәртiппен осы қаулыны iске асыру жөнiнде шаралар қабылдасын.
6. Қазақстан Республикасы Yкiметiнiң кейбiр шешiмдерiне мынадай өзгерiстер мен толықтырулар енгiзiлсiн:
1) "Қазақстан Республикасы Қаржы министрлiгiнiң мәселелерi" туралы Қазақстан Республикасы Yкiметiнiң 1999 жылғы 6 наурыздағы N 207 қаулысына (Қазақстан Республикасының ПYКЖ-ы, 1999 ж., N 8, 59-құжат):
көрсетiлген қаулымен бекiтiлген Заңдарға сәйкес мемлекеттiк мекеме болып қайта ұйымдастыруға жататын Қазақстан Республикасы Қаржы министрлiгiнiң қарауындағы мекемелердiң тiзбесiнде:
