(БҰРЫНҒЫ РЕДАКЦИЯ) ҚР ІШКІ ІСТЕР МИНИСТРІНІҢ 2006.08.06. № 263 БҰЙРЫҒЫ

«Механикалық көлік құралдары мен оларға тіркемелерді мерзімді
мемлекеттік техникалық байқау туралы»
Қазақстан Республикасы Ішкі істер министрінің 2006 жылғы 8 маусымдағы
№ 263 Бұйрығы

Осы редакция 2007 ж. 26 ақпанда енгізілген өзгерістеріне дейін қолданылды

Қазақстан Республикасы «Қазақстан Республикасының ішкі істер органдары туралы» Заңының 5-1-бабы 1-тармағының 28) тармақшасы мен 10-бабы 1-тармағының 18) тармақшасына және Қазақстан Республикасы «Жол жүрісі қауіпсіздігі» Заңының 19-бабының 2-тармағына сәйкес бұйырамын:

1. Қазақстан Республикасының аумағында пайдаланатын және белгіленген тәртіппен (бұдан әрі - көлік құралдары) тіркелген механикалық көлік құралдары мен оларға тіркемелерді, мопед, трактор мен өздігінен жүретін машиналардан басқа, мерзімді мемлекеттік техникалық байқауды (бұдан әрі - байқау) жүргізу Қазақстан Республикасы Ішкі істер министрлігінің (бұдан әрі - Қазақстан Республикасының ІІМ) Жол полициясы комитеті қамтамасыз етсін.

Мыналар бақылаудың негізгі міндеттері болып белгіленсін:

1) жол жүрісіне қатысатын көлік құралдарының техникалық жай-күйі мен жабдықтары Жол жүрісі ережелеріне, стандарттарға және жол жүрісі қауіпсіздігін қамтамасыз етуге қатысты басқа да нормативтік құқықтық актілерге сәйкестілігін бағалау;

2) көлік құралдарының санын, олардың тиесілігін және өзге де тіркеу құжаттарын нақтылау;

3) қылмыс пен әкімшілік құқық бұзушылықтың алдын алу және жолын кесу.

2. Қазақстан Республикасы Үкіметінің 2005 жылғы 19 шілдедегі № 747 қаулысымен бекітілген әскери-көліктік міндеттер туралы тәртіпке сәйкес, жергілікті органдардағы әскери басқарманың өкілдерінің қатысуымен көлік құралдары мерзіміне байланысты.

Байқау:

автобустар, микроавтобустар және таксилер, сонымен қатар адамдарды тасымалдау үшін жабдықталған жүк автомобильдері меншік нысанына және шыққан жылына қарамастан 6 ай сайын;