Қазақстан Республикасы Үкіметінің 2007 жылғы 6 қарашадағы № 1039 қаулысына өзгерістер мен толықтырулар енгізу туралы
Қазақстан Республикасы Үкіметінің 2009 жылғы 25 мамырдағы № 768 Қаулысы
Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасының әлеуметтік-экономикалық дамуының тұрақтылығын қамтамасыз ету жөніндегі бірінші кезектегі іс-қимылдар жоспарын бекіту туралы» Қазақстан Республикасы Үкіметінің 2007 жылғы 6 қарашадағы № 1039 қаулысына (Қазақстан Республикасының ПҮАЖ-ы, 2007 ж., № 42, 489-құжат) мынадай өзгерістер мен толықтырулар енгізілсін:
көрсетілген қаулымен бекітілген Қазақстан Республикасының әлеуметтік-экономикалық дамуының тұрақтылығын қамтамасыз ету жөніндегі бірінші кезектегі іс-қимылдар жоспарында:
мәтіндегі «Қазына» ОДҚ» АҚ» деген сөздер «Самұрық-Қазына» ҰӘҚ» АҚ» деген сөздермен ауыстырылсын;
«Мақсатқа қол жеткізу және қойылған міндеттерді іске асыру тетіктері» деген 2-бөлімде:
«Шағын және орта бизнестің жобаларына одан әрі тұрақты кредит беруді қамтамасыз ету» деген 2-кіші бөлімде:
он төртінші абзацтағы «аспауы тиіс» деген сөздерден кейін «, ал тиімді ставка жылдық 14 пайыздан аспауы тиіс» деген сөздермен толықтырылсын;
он бесінші абзацтағы «6» деген сан «4» деген санмен ауыстырылсын;
он алтыншы абзацта:
«30» деген сандар «70» деген сандармен ауыстырылсын;
«аспауы тиіс» деген сөздерден кейін «, ал банктер 2009 жылғы 1 тоқсанның соңына дейін игеретін қаражат бойынша қайта қаржыландыру жөніндегі шектеу толық алып тасталады»;
он жетінші абзац мынадай редакцияда жазылсын:
«шағын және орта бизнестің өндірістік жобалары бойынша бір қарыз алушыға қаржыландыру лимиті 589160 АЕК-ге дейін.»;
мынадай мазмұндағы он сегізінші абзацпен толықтырылсын:
«Самұрық-Қазына» ҰӘҚ» АҚ берген қаражат бөлігінде жергілікті атқарушы органдар әкімдіктерінің жанындағы комиссиялардың өкілеттіктері қолданылмайды.»;
көрсетілген қаулымен бекітілген Қазақстан Республикасының әлеуметтік-экономикалық дамуының тұрақтылығын қамтамасыз ету жөніндегі бірінші кезектегі іс-қимылдар жоспарын іске асыру жөніндегі іс-шаралар жоспарында:
мәтіндегі «Қазына» ОДҚ» АҚ», «Қазына» ОДҚ» АҚ» (келісім бойынша)» деген сөздер тиісінше «Самұрық-Қазына» ҰӘҚ» АҚ», «Самұрық-Қазына» ҰӘҚ» АҚ» (келісім бойынша)» деген сөздермен ауыстырылсын;
реттік нөмірі 6-7-жолдың 2-бағанында:
«12,5 %-дан» деген сөздерден кейін «, ал тиімді ставка жылдық 14 %-дан» деген сөздермен толықтырылсын;
«300000 АЕК» деген сөздер «шағын және орта бизнестің өндірістік жобалары бойынша 589160 АЕК» деген сөздермен ауыстырылсын;
реттік нөмірі 6-8-жолдың 2-бағанында:
«Шағын» деген сөз «Өңірлердің шағын» деген сөздермен ауыстырылсын;
«өңірлік басымдықтарға сәйкес» деген сөздер алынып тасталсын;
«түпкілікті» деген сөз «тиімді» деген сөзбен ауыстырылсын.
2. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі |
К. Мәсімов |
