Тауарлар мен көлік құралдарын кедендік ресімдеу туралы Мемлекеттік кіріс министрлігі Кеден комитеті төрағасының 2001 жылғы 15 ақпандағы № 54 бұйрығы (ҚР Мемлекеттік кіріс министрлігінің 06.03.02 ж. № 69 бұйрығымен; ҚР Кедендік бақылау агентігінің 14.11.02 ж. № 98; 12.11.02 ж. № 95; 25.12.02 ж. № 157; 06.01.03 ж. № 3 бұйрықтарымен енгізілген өзгерістерімен) (күші жойылды)

Тауарлар мен көлік құралдарын кедендік ресімдеу туралы Мемлекеттік кіріс
министрлігі Кеден комитеті төрағасының 2001 жылғы 15 ақпандағы № 54
бұйрығы
(ҚР Мемлекеттік кіріс министрлігінің 06.03.02 ж. № 69 бұйрығымен;
ҚР Кедендік бақылау агентігінің 14.11.02 ж. № 98; 12.11.02 ж. № 95;
25.12.02 ж. № 157; 06.01.03 ж. № 3 бұйрықтарымен енгізілген
өзгерістерімен)

ҚР Кедендік бақылау агенттігінің 2003 жылғы 11 маусымдағы № 288 бұйрығымен күші жойылды

"Қазақстан Республикасындағы кеден iсi туралы" Қазақстан Республикасының Заңына сәйкес

БҰЙЫРАМЫН:

ҚР Мемлекеттік кіріс министрінің 06.03.02 ж. № 69 бұйрығымен 1-тармақ толықтырылды

1. Қоса берiлiп отырған:

Уақытша сақтау орындарына қойылатын мiндеттемелер туралы нұсқаулық;

Кедендiк ресiмдеудi жүргiзудiң орны мен уақыты туралы нұсқаулық;

Кедендiк жүк декларациясын тапсыру мерзiмiн ұзарту ережесi;

Жүк кеден декларациясын, құжаттар мен кеден мақсаттары үшiн қажет қосымша мәлiметтердi ұсыну, қабылдау мен тексеру жөніндегі нұсқаулық;

Қазақстан Республикасының сыртқы экономикалық қызметiне қатысушылардың алдын-ала жасалатын операциялар сатысында есеп құжаттарын ұсынуының тәртібі;

Кеден құжаттарының электрондық көшiрмелерiн қалыптастыруға арналған растауларды берудiң Ережесi;

Мiндеттi сертификаттауға жататын тауарларды кедендiк ресiмдеу мен кедендiк бақылаудың Ережесi;

Жедел жеткiзiлiмдер кезiнде тауарларды кедендiк ресiмдеу Ережесi;

Тауарларды алдын ала мәлiмдеу рәсiмiн қолдану жөніндегі Ереже;

Тауарларды арагiдiк мәлiмдеу рәсiмiн қолдану жөніндегі Ереже;

Кедендiк брокер ретiнде iс-әрекет жасау құқығын беретiн лицензияларды беру, күшiн тоқтату және керi шақыру жөніндегі нұсқаулық;

Кедендiк ресiмдеу жөніндегі маманға біліктiлiк аттестатын берудiң ережесi;

Мамандарды кедендiк ресiмдеу бойынша аттестация жүргiзу жөніндегі Қазақстан Республикасының Мемлекеттік кiрiс министрлігі Кеден комитетiнiң Орталық комиссиясы туралы ереже;

"Жасыл және қызыл дәлiздер" жүйесiн пайдалана отырып жеке тұлғалар өткізетiн тауарларды кедендiк ресiмдеу және кедендiк бақылау жөніндегі ереже;