Қазақстан Республикасы Үкіметінің 2003 жылғы 17 маусымдағы № 572 қаулысына өзгерістер мен толықтырулар енгізу туралы Қазақстан Республикасы Үкіметінің 2004 жылғы 16 маусымдағы № 661 қаулысы (күші жойылды)

Қазақстан Республикасы Үкіметінiң 2003 жылғы 17 маусымдағы
№ 572 қаулысына өзгерістер мен толықтырулар енгізу туралы
Қазақстан Республикасы Үкіметінің 2004 жылғы 16 маусымдағы
№ 661 қаулысы

ҚР Үкіметінің 2006 жылғы 15 қарашадағы № 1082 Қаулысымен күші жойылды

Қазақстан Республикасының Үкіметі қаулы етеді:

1. "Мемлекеттік органдардың шағын кәсiпкерлiк субъектiлерiнiң қызметiне тексерулер жүргiзу ережесін бекіту туралы" Қазақстан Республикасы Үкіметінiң 2003 жылғы 17 маусымдағы № 572 қаулысына (Қазақстан Республикасының ПYКЖ-ы, 2003 ж., № 27, 254-құжат) мынадай өзгерістер мен толықтырулар енгiзiлсін:

2-тармақтағы "Қазақстан Республикасының Мәдениет, ақпарат және қоғамдық келісім министрлігі" деген сөздер "Қазақстан Республикасының Ақпарат министрлігі" деген сөздермен ауыстырылсын;

көрсетілген қаулымен бекітілген Шағын кәсiпкерлiк субъектiлерiнiң қызметiне мемлекеттік органдардың тексерулер жүргiзу ережесінде:

мынадай мазмұндағы 8-1-тармақпен толықтырылсын:

"8-1. Адам саны 10-нан аспайтын Шағын кәсiпкерлiк субъектiлерiн салық органдарын қоспағанда, сондай-ақ қылмыстық iстер қозғалғаннан басқа жағдайларда, мемлекеттік бақылаушы органдар ең жиi дегенде үш жылда бiр рет тексеруi мүмкiн.

Шағын кәсiпкерлiк субъектiлерiнiң қаржы-шаруашылық қызметiн тексеруді уәкiлеттi мемлекеттік органдар, егер Қазақстан Республикасының заңдарында өзгеше көзделмесе, жылына бiр реттен жиi жүргiзбейдi.";

9-тармақтағы "30" деген сандар "15" деген сандармен ауыстырылсын;

14-тармақтың 3) тармақшасы мынадай редакцияда жазылсын:

"3) Қазақстан Республикасының заңнамасына сәйкес шағын кәсiпкерлiк субъектiсiнiң аумағына немесе үй-жайына кiру үшiн қажет болса, арнайы рұқсаттарды;";

16-тармақ алынып тасталсын;

19-тармақтағы "осы Ереженің 3-тармағында" деген сөздер "Қазақстан Республикасының заңнамалық кесiмдерiнде" деген сөздермен ауыстырылсын;

мынадай мазмұндағы 19-1-тармақпен толықтырылсын:

"19-1. Түпнұсқа бухгалтерлiк және өзге де құжаттарды алып қою мен алуға тыйым салынады. Ерекше жағдайларда олар жасалатын құқық бұзушылықтың алдын алу шарасы ретiнде не қылмыстық iс бойынша дәлел ретiнде рұқсат етіледi.";

24-тармақ:

"шаралар" деген сөзден кейiн "және мерзiмдер" деген сөздермен толықтырылсын;

мынадай мазмұндағы абзацпен толықтырылсын:

"Шағын кәсiпкерлiк субъектілерi актiнiң қандай ережелерiмен өздерiнiң келiспейтiндiгiн актіде көрсетуге құқылы.";

25-тармақ мынадай редакцияда мазмұндалсын:

"25. Тексерулер аяқталғаннан кейiн мемлекеттік бақылаушы органдардың қызметкерлерi шағын кәсiпкерлiк субъектiсiндегi Келушілердi есепке алу кiтабына тексеру жүргiзушiнiң лауазымын, тегiн, тексерудiң мақсаты мен нәтижелерiн көрсете отырып, белгi қояды.";

2. Осы қаулы қол қойылған күнiнен бастап күшiне енедi және жариялануға тиiс.

Қазақстан Республикасының