Дәріхана ұйымдарында, фармацевтика кәсіпорындары мен емдеу-профилактика мекемелерінде дәрілік заттардың түрлі топтары мен медициналық мақсаттағы бұйымдарды сақтау туралы Нұсқаулық Бұйрық Қазақстан Республикасы Денсаулық сақтау, білім және спорт министрлігі Денсаулық сақтау комитеті 1999 жылғы 10 мамыр № 238 (2005.23.06. берілген өзгерістер мен толықтырулармен) (күші жойылды)

Қазақстан Республикасы Денсаулық

сақтау, білім және спорт

министрлігі Денсаулық

сақтау комитеті 1999 жылғы

10 мамырдағы № 238

Бұйрығымен бекітілді

ҚР Денсаулық сақтау министрінің 2009.18.11. № 739 Бұйрығымен күші жойылды

Денсаулық сақтау ұйымдарында дәрілік заттардың түрлі
топтары мен медициналық мақсаттағы бұйымдарды сақтау туралы
Ереже

(2005.23.06. берілген өзгерістер мен толықтырулармен)

ҚР Денсаулық мин. Фармация комитеті төрайымының 2005.23.06. № 89 Бұйрығымен тақырыбы өзгертілді (бұр.ред.қара)

ҚР Денсаулық мин. Фармация комитеті төрайымының 2005.23.06. № 89 Бұйрығымен мәтін өзгертілді (бұр.ред.қара)

1. Осы Ережеде қолданылған негізгi

ұғымдар мен қысқартулар

ҚР Денсаулық мин. Фармация комитеті төрайымының 2005.23.06. № 89 Бұйрығымен 1 тарауда өзгертілді (бұр.ред.қара)

Ережеге қосымшаларда, егер емдiк нысан түрi көрсетiлмеген болса, онда осы сақтау шарттары дәрiлік заттардың барлық нысандарына сәйкес келедi деп санау қажет.

Ережеге қосымшалардағы "қараңғы жер" тұжырымы күн сәулесінен қорғалған жерде сақтауды білдiредi.

Температура Цельсий градустарында көрсетiлген:

"бөлме температурасы"+18+25о С "салқын температура"+8о +18оС егер температура көрсетiлмесе, "бөлме температурасы" болғаны.

Тұтыну ыдысы - тұтынушыға өнiммен бiрге түсетiн және көлiк ыдысы функциясын орындамайтын ыдыс.

Топтық ыдыс - белгiлi бiр өнiм санына арналған тұтыну ыдысы.

Көлiк ыдысы - дербес көлiк бiрлiгiн құрайтын ыдыс.

Дәрілік заттар - аурулардың алдын алу, диагностикасы, емдеу үшін, сондай-ақ жүктілікті болғызбау үшін қолданылатын дәрілік субстанция немесе дәрілік субстанциялар қоспасы.

Аурулардың диагностикасы, алдын алу және емдеу мақсатында пайдаланылатын парафармацевтикалар, медициналық техника мен медициналық мақсаттағы бұйымдар (көзге салынатын және оны түзейтін линзалар, керек-жарақтар және материалдар, бұйымдар, құрал-саймандар, қондырғылар, аспаптар, аппаратура) дәрілік заттарға теңестіріледі: