Қазақстан Республикасы Yкіметі мен Грузия Үкіметі
арасындағы 1997 жылғы 11 қарашаның Келісімдегі
еркiн сауда тәртібінен алынатындар туралы
ХАТТАМА
(1997 жылғы 11 қараша, Алматы қ)
Қазақстан Республикасы мен Грузияның уәкiлетті өкiлдерi мына төмендегілер туралы осы Хаттаманы жасады:
1-бап
Қазақстан Республикасы Yкіметі мен Грузия Үкіметі арасындағы еркiн сауда туралы 1997 жылғы 11 қарашадағы Келісімнiң 2-бабымен көзделген алынатындар № 1 қосымшаға сай Грузиядан Қазақстан Республикасына экспортталатын тауарларға қолданылады.
Қазақстан Республикасынан Грузияға экспортталатын тауарлардың тiзбесi қажет болған кезде анықталатын болады.
2-бап
1. Тараптар осы Хаттаманың 1-бабына сәйкес еркiн сауда тәртібiнен алынатындары қолданылатын тауарларға, соның iшiнде мыналарға қатысты бiр-бiрiне аса қолайлы жағдай жасайды, олар:
- осындай алым-салықтарды алудың әдiсiн қоса алғанда, экспортталғанда (№ 1 қосымшада аталған тауарларға қатысты) алынатын алым-салықтар;
- транзиттеуге, тасымалдауға, жинастыруға, қайта тиеуге және басқа осындай қызметтерге қатысты ережелер;
- төлем және төлем аудару әдiстерi;
- импорттық лицензиялар беру;
- ішкі нарықта тауарларды сатуға, сатып алуға, тасымалдауға, бөлуге және пайдалануға қатысты ережелер.
2. Осы баптың 1-тармағының ережелерi қолданылмайтындары:
- Тараптардың кез-келгенiнiң Кеден одағын немесе еркiн сауда аймағын құру мақсатымен немесе осындай одақ не, аймақ құру нәтижесiнде үшіншi бiр елге беретiн басымдықтары;
- Тараптардың заңдарына сәйкес дамушы елдерге берiлетiн басымдықтары шекара бойындағы сауданы жеңілдету мақсатымен көршi елдерге берілетiн басымдықтар;
- арнайы келiсімдерге сәйкес Тараптардың бiр-бiрiне беретiн басымдықтары.
3-бап
Тарап-Мемлекеттердің кеден аумағына тауарлардың экспорты мен импорты кезінде кедендік ресімдеуде қолданылатын, тауарлардың (жұмыс пен қызметтің) экспорты мен импортын лицензиялау және квоталау туралы өздерінің заңдарына сәйкес, тараптар өзара саудада тарифтік емес реттеу шараларын сақтайды.
4-бап
