Жергілікті соттардың ішкі жұмыс тәртібінің үлгі ережесін бекіту туралы
Қазақстан Республикасы Жоғарғы Соты Төрағасының 2004 жылғы 26 қазандағы № 190 өкімі
ҚР Жоғарғы Соты Төрағасының 2011 жылғы 5 тамыздағы № 168 өкімімен күші жойылды
«Қазақстан Республикасының сот жүйесі мен судьяларының мәртебесі туралы» Қазақстан Республикасы Конституциялық Заңының 20-бабының 1-тармағының 11) тармақшасына сәйкес, еңбек және қызмет тәртібін нығайту, жұмыс уақытын ұтымды пайдалану және еңбекті ұйымдастыру деңгейін көтеру мақсатында:
1. Қоса беріліп отырған жергілікті соттардың ішкі жұмыс тәртібінің үлгі ережесі бекітілсІн.
2. Облыстық, аудандық және оларға теңестірілген соттардың төрағалары бір ай мерзімнің ішінде Соттардың Ішкі жұмыс тәртібінің ережесін бекітсін.
3. Қазақстан Республикасы Жоғарғы Соты Аппаратының Ұйымдастыру-талдау басқармасының бастығы Жергілікті соттардың ішкі жұмыс тәртібінің үлгі ережесін жариялануын және оның Қазақстан Республикасы Жоғарғы Сотының Web-сайтына орналастырылуын қамтамасыз етсін.
4. Осы өкімнің орындалуын бақылау Қазақстан Республикасы Жоғарғы Сотының Алпарат басшысына жүктелсін.
•
Қ.МӘМИ
Қазақстан Республикасы
Жоғарғы Соты Төрағасының
2004 жылғы 26 қазандағы № 190 өкімімен
БЕКІТІЛГЕН
Жергілікті соттардын ішкі жұмыс тәртібінің
ҮЛГІ ЕРЕЖЕСІ
1. Жалпы қағидалар
1. Осы Үлгі ереже «Қазақстан Республикасының сот жүйесі мен судьяларының мәртебесі туралы» Қазақстан Республикасы Конституциялық Заңына, «Мемлекеттік қызмет туралы», «Қазақстан Республикасындағы еңбек туралы» Қазақстан Республикасының Заңдарына және өзге де нормативтік құқықтык актілерге сәйкес және республиканың жергілікті соттарының жұмыс тәртібін анықтау, еңбек және атқару тәртібін нығайту, судьялар мен соттардың кеңселері қызметкерлерінің жұмыс уақытын ұтымды пайдалануын қамтамасыз ету мақсатында әзірленген.
