«Инвестициялық преференцияларды беруге арналған өтінімдерді қабылдау, тіркеу және қарау ережесін бекіту туралы» Қазақстан Республикасы Индустрия және сауда министрлігі инвестициялар жөніндегі комитеті төрағасының 2005 жылғы 5 маусымдағы № 38-п Бұйрығы (күші жойылды)

Инвестициялық преференцияларды беруге арналған өтінімдерді қабылдау, тіркеу және қарау ережесін бекіту туралы
Қазақстан Республикасы Индустрия және сауда министрлігі инвестициялар жөніндегі комитеті төрағасының 2005 жылғы 5 маусымдағы № 38-п Бұйрығы

ҚР Индустрия және жаңа технологиялар министрінің 2012 жылғы 1 маусымдағы № 183 Бұйрығымен күші жойылды

«Инвестициялар туралы» Қазақстан Республикасы Заңының 20-бабының 2 тармағына сәйкес БҰЙЫРАМЫН:

1. Қоса беріліп отырған инвестициялық преференцияларды беруге арналған өтінімдерді қабылдау, тіркеу және қарау ережесі бекітілсін.

2. Осы бұйрық оны ресми жариялаған күннен бастап қолданысқа енгізіледі.

Қазақстан Республикасының

Индустрия және сауда министрлігі

Инвестициялар комитеті Төрағасының

2005 жылғы 5 маусымдағы

№ 38-п бұйрығымен

бекітілген

Инвестициялық преференцияларды беруге арналған

өтінімдерді қабылдау, тіркеу және қарау

Ережесі

Осы инвестициялық преференцияларды беруге арналған өтінімдерді қабылдау, тіркеу және қарау Ережесі (бұдан әрі - Ереже) Қазақстан Республикасының Индустрия және сауда министрлігінің Инвестициялар комитетінің құрылымдық бөлімшелерінің инвестициялық преференцияларды беруге арналған өтінімдерді қабылдау, тіркеу және қарау ережелері тәртібін анықтайды.

1. Негізгі ұғымдар

1. Осы ережелерде мынадай ұғымдар қолданылады:

1) уәкілетті орган - Қазақстан Республикасының Индустрия және сауда министрлігінің Инвестициялар комитеті;

2) мәлімдеуші - қызметтің басым түрлерінде инвестициялық жобаны іске асыру үшін инвестициялық преференцияларды алуға өтінім берген Қазақстан Республикасының заңды тұлғасы;