Ақпараттық ресурстар мен ақпараттық жүйелерді тіркеу туралы өтініштердің нысандарын бекіту туралы
Қазақстан Республикасының Ақпараттандыру және байланыс жөніндегі агенттігі төрағасының 2005 жылғы 1 шілдедегі № 214-Ө бұйрығы
ҚР Байланыс және ақпарат министрінің 2010 жылғы 1 маусымдағы № 71 бұйрығымен күші жойылды
Қазақстан Республикасы Үкіметінің 2004 жылғы 19 қазандағы № 1075 қаулысымен бекітілген Ақпараттық ресурстар мен ақпараттық жүйелерді мемлекеттік тіркеу және ақпараттық ресурстар мен ақпараттық жүйелердің мемлекеттік тіркелімін жүргізу Ережесінің 9-тармағын іске асыру мақсатында БҰЙЫРАМЫН:
1. Қоса беріліп отырған Ақпараттық ресурстар мен ақпараттық жүйелерді тіркеу туралы өтініштердің нысандары бекітілсін.
2. Қазақстан Республикасы Ақпараттандыру және байланыс агенттігінің Ақпараттандыру және заң департаменті (Жайлаубаева А.С.) осы бұйрықты Қазақстан Республикасы Әділет министрлігінде мемлекеттік тіркелуін қамтамасыз етсін.
3. Қаржылық реттеу басқармасы (Арпабаев Б.К.) осы бұйрықты бұқаралық ақпарат құралдарында жариялануын қамтамасыз етсін.
4. Осы бұйрықтың орындалуын бақылауды өзіме қалдырамын.
5. Осы бұйрық ресми жарияланған күнінен бастап он күн өткеннен кейін қолданысқа енеді.
