ТТК Түсіндірмелер жөніндегі
тұрақты комитет
ТТК-3
Түсіндірмесі
Қауымдастырылған компаниялармен операциялар бойынша
өткізілмеген пайдалар мен залалдарды шығарып тастау
1-«Қаржы есептілігін ұсыну»ХБЕС-ның 11-параграфына сәйкес «қаржы есептілігі қолданылатын әрбір стандарттың және Түсіндірмелер жөніндегі тұрақты комитеттің қолданылатын әрбір түсіндірмесінің барлық талаптарына сәйкес келмесе, Халықаралық бухгалтерлік есеп стандартына сәйкес келетін есептеме ретінде сипатталуға тиіс емес». ТТК түсіндірмелері елеулі емес баптарға қолдануға арналмаған.
Сілтеме: 28-«Қауымдастырылған компанияларға салынған инвестицияларды есепке алу» ХБЕС
МӘСЕЛЕ
1. 28.16-ХБЕС есептілікті шоғырландырудың 27-ХБЕС-да белгіленген рәсімдеріне сілтеме жасағанымен, ол инвестор (немесе оның шоғырландырылған еншілес компаниялары) мен қауымдастырылған компаниялар арасындағы «төменнен-жоғары» немесе «жоғарыдан-төмен» операциялар нәтижесінде пайда болатын өткізілмеген пайдалар мен залалдарды шығарып тастау жөнінде айқын басшылық бермейді. Мысалы, қауымдастырылған компаниялардың өз активтерін инвесторға (немесе оның шоғырландырылған еншілес компанияларына) сатуы «төменнен-жоғары» операциялары болып табылады. Мысалы, инвестордың (немесе оның шоғырландырылған еншілес компанияларының) активтерін қауымдастырылған компанияларға өз сатуы «жоғарыдан-төмен» операциялары болып табылады.
2. Мәселе инвестор (немесе оның шоғырландырылған еншілес компаниялары) және қауымдастырылған компаниялар арасындағы операциялар нәтижесінде пайда болатын өткізілмеген пайдалар мен залалдарды үлестік қатысу әдісімен есепке алу кезінде қаншалықты деңгейге дейін шығарып тастауға тиіс екенінде.
КОНСЕНСУС
