ТТК Түсіндірмелер жөніндегі
тұрақты комитет
20-ТТК
түсіндірмесі
Үлестік қатысу әдісі - залалдарды мойындау
1-«Қаржы есептілігін ұсыну»ХБЕС-ның 11-параграфына сәйкес «қаржы есептілігі қолданылатын әрбір стандарттың және Түсіндірмелер жөніндегі тұрақты комитеттің қолданылатын әрбір түсіндірмесінің барлық талаптарына сәйкес келмесе, Халықаралық бухгалтерлік есеп стандартына сәйкес келетін есептеме ретінде сипатталуға тиіс емес». ТТК түсіндірмелері елеулі емес баптарға қолдануға арналмаған.
Сілтеме: 28-“Қауымдастырылған компанияларға салынған инвестицияларды есепке алу” ХБЕС.
Мәселе
1. Жекелеген жағдайларда инвестор үлестік қатысу әдісі бойынша көрсетілетін қауымдасқан компанияларда немесе бірлескен қызметте бірден қатысудың бірнеше қаржылық үлестік қатысуына ие болады. Мысалы, инвестордың қаржылық үлесіне жай немесе артықшылықты акциялар, берілген кредиттер немесе аванстар, борыштық бағалы қағаздар, жай акцияларды сатып алуға опциондар немесе сатып алушылар мен тапсырыс берушілердің берешектері кіреді.
2. 28.22-ХБЕС-на сәйкес, егер үлестік қатысу әдісін пайдаланған кезде инвестордың қауымдасқан компанияның залалдарындағы үлесі инвестициялардың таза баланстық құнына тең немесе артық болса, онда инвестор пайда мен залал туралы есебінде өзінің үлесін көрсетуді тоқтатады. Алайда, инвестор өзіне қандай міндеттемелерді алады, немесе инвесторлар кепілдік берген соңғыларының міндеттемелерін өтеу үшін қауымдасқан компаниялар атынан қандай төлемдер төлеуді жүргізеді, немесе қаншалықты басқа түрдегі жауапкершілікті атқарады, соншалықты дәрежеде қосымша залалдар мойындалады.
3. Үлестік қатысу әдісін пайдаланған кезде мынадай мәселелер туындайды:
(а) 28.22-ХБЕС-нда сөз болатын “инвестицияның таза баланстық құнына” қандай қаржылық үлестік қатысу кіреді; және
