Негiзгi құралдарға табиғи монополиялар субъектiлерiнiң қайта бағалау жүргiзу ережесін бекіту туралы
Қазақстан Республикасы Табиғи монополияларды реттеу агенттігінің 2005 жылғы 21 шілдедегі № 226-НҚ Бұйрығы
ҚР Ұлттық экономика министрінің 2015 жылғы 21 шілдедегі № 550 бұйрығымен күші жойылды
"Табиғи монополиялар туралы" Қазақстан Республикасы Заңының 14-бабы 1-тармағының 19) тармақшасына және Қазақстан Республикасы Үкіметінiң 2004 жылғы 28 қазандағы № 1109 қаулысымен бекітілген Қазақстан Республикасы Табиғи монополияларды реттеу агенттiгi туралы ереженiң 18-тармағының 1) тармақшасына сәйкес БҰЙЫРАМЫН:
1. Қоса берiлiп отырған Негiзгi құралдарға табиғи монополиялар субъектiлерiнiң қайта бағалау жүргiзу ережесi бекітілсiн.
2. Қазақстан Республикасы Табиғи монополияларды реттеу агенттiгiнiң Телекоммуникациялар және аэронавигация саласындағы реттеу мен бақылау департаментi (Е.Ш. Әлиев) заңнамада белгiленген тәртiппен осы бұйрықтың Қазақстан Республикасы Әдiлет министрлігінде мемлекеттік тiркелуiн қамтамасыз етсiн.
3. Қазақстан Республикасы Табиғи монополияларды реттеу агенттiгiнiң Әкiмшiлiк жұмысы және талдау департаментi (Е.О. Есiркепов) осы бұйрық мемлекеттік тiркеуден өткеннен кейiн:
1) белгiленген тәртiппен оны бұқаралық ақпарат құралдарында жариялауды қамтамасыз етсiн;
2) оны Қазақстан Республикасы Табиғи монополияларды реттеу агенттiгiнiң құрылымдық бөлiмшелерi мен аумақтық органдарының, облыстардың (республикалық маңызы бар қаланың, астананың) жергiлiктi атқарушы органдарының және табиғи монополиялар субъектiлерiнiң назарына жеткiзсiн.
4. Осы бұйрықтың орындалуын бақылау Қазақстан Республикасы Табиғи монополияларды реттеу агенттігі төрағасының орынбасары А.П. Нефедовқа жүктелсін.
