Жоба
Қазақстан Республикасының Заңы
2006 жылға арналған республикалық бюджет туралы
ҚР Үкіметінің 2005.27.08. № 888 Қаулысымен ҚР Парламентi Мәжілісiнiң қарауына енгiзiлді
1-бап. 2006 жылға арналған республикалық бюджет 1-қосымшаға сәйкес мынадай көлемдерде бекітілсiн:
1) кiрiстер - 1 445 788 831 мың теңге, оның iшiнде:
салықтық түсімдер - 1 280 433 752 мың теңге;
салықтық емес түсiмдер - 37 692 594 мың теңге;
негiзгi капиталды сатудан түсетін түсімдер - 8 185 895 мың теңге;
ресми трансферттердiң түсімдері - 119 476 590 мың теңге;
2) шығындар - 1 431 322 039 мың теңге;
3) операциялық сальдо - 14 466 792 мың теңге;
4) таза бюджеттік кредит беру - 36 578 146 мың теңге, оның iшiнде:
бюджеттік кредиттер - 58 193 533 мың теңге;
бюджеттік кредиттерді өтеу - 21 615 387 мың теңге;
5) қаржы активтерiмен жасалатын операциялар бойынша сальдо - 91 652 870 мың теңге, оның iшiнде:
қаржы активтерiн сатып алу - 93 652 870 мың теңге;
мемлекеттің қаржы активтерiн сатудан түсетiн түсiмдер 2 000 000 мың теңге;
6) тапшылық - 113 764 224 мың теңге немесе елдiң жалпы iшкi өнiмiнiң 1,4 пайызы;
7) бюджет тапшылығын қаржыландыру - 113 764 224 мың теңге.
2-бап. 2006 жылға арналған республикалық бюджетте мынадай түсiмдер көзделсiн:
Ресей Федерациясының "Байқоңыр" кешенiн пайдаланғаны үшiн 14 605 000 мың теңге сомасында жалдау ақысы;
Ресей Федерациясының әскери полигондарды пайдаланғаны үшiн республикалық бюджеттің кiрiстерiнде көрсетiлетiн 3 492 500 мың теңге сомасында жалдау ақысы, оның:
406 400 мың теңгесi ақшалай нысанда түседi;
3 086 100 мың теңгесi Қазақстан Республикасы мен Ресей Федерациясы арасындағы сынақ полигондарын жалға беру туралы шарттарда айтылған талаптарға сәйкес жүзеге асырылады және оны 007 "Сынақ полигондарын жалға беру туралы мемлекетаралық шарттарға сәйкес қару-жарақ және әскери техниканы жеткізу және жөндеу" және 011 "Жоғары және жоғары оқу орнынан кейiнгі кәсiби білімдi мамандар даярлау" республикалық бюджеттік бағдарламалары бойынша шығыстарды көрсете отырып, Қазақстан Республикасы Қорғаныс министрлігі пайдаланады.
