Жасалынып жатқан кемелер тізілімін жүргізу ережесін бекіту туралы
Қазақстан Республикасы Көлік және коммуникациялар министрлігі Көліктік бақылау комитеті Төрағасының 2005 жылғы 1 қыркүйектегі № 62-ө Бұйрығы
ҚР Көлік және коммуникация министрінің м.а. 2011 жылғы 28 маусымдағы № 403 бұйрығымен 2011 жылғы 1 қыркүйектен бастап күшін жойыды
Қазақстан Республикасы Үкіметінің 2003 жылғы 17 қаңтардағы № 49 қаулысымен бекітілген Кемелер мен оларға құқықтарды мемлекеттік тіркеу ережесіне сәйкес БҰЙЫРАМЫН:
1. Қоса беріліп отырған Жасалынып жатқан кемелер тізілімін жүргізу ережесі бекітілсін.
2. Қазақстан Республикасы Көлік және коммуникация министрлігінің Көліктік бақылау комитеті Су көлігінде бақылау басқармасының бастығы (Р.Қ. Адамова) осы бұйрықты Қазақстан Республикасының Әділет министрлігіне мемлекеттік тіркеу үшін ұсынуды қамтамасыз етсін.
3. Осы бұйрықтың орындалуын бақылау Қазақстан Республикасы Көлік және коммуникация министрлігінің Көліктік бақылау комитеті төрағасының орынбасары Қ.Б. Есжановқа жүктелсін.
4. Осы бұйрық оның ресми жарияланған күнінен бастап қолданысқа енеді.
Комитет төрағасы
Қазақстан Республикасы
Көлік және коммуникация
министрлігінің
Көліктік бақылау
комитеті төрағасының
2005 жылғы 1 қыркүйектегі
№ 62-ө бұйрығымен
бекітілген
Жасалынып жатқан кемелер тізілімін жүргізу ережесі
1. Жалпы ережелер
1. Осы Жасалынып жатқан кемелер тізілімін жүргізу ережесі (бұдан әрі - Ереже) Қазақстан Республикасы Үкіметінің 2003 жылғы 17 қаңтардағы № 49 қаулысымен бекітілген Кемелер мен оларға құқықтарды мемлекеттік тіркеу ережесіне (бұдан әрі - Тіркеу ережесі) сәйкес әзірленді.
2. Жасалынып жатқан кемелер тізілімін жүргізу ережесі.
3. Осы Ережеде мынадай негізгі ұғымдар пайдаланады:
кеменің меншік иесі - Тіркеу ережесіне сәйкес жасалынып жатқан кеменің меншік иесі ретінде тіркелген тұлға;
жасалынып жатқан кеме ипотекасы - жасалынып жатқан кеме тізілімінде тіркелген шарт негізінде шыққан жасалынып жатқан кеменің мемлекеттік тіркеуіне жататын ипотека;
