Бағалы қағаздар рыногында брокерлік-дилерлік қызметті жүзеге
асыратын ұйымдарға арналған пруденциалдық нормативтерді белгілеу,
бағалы қағаздардың нарығында брокерлік-дилерлік қызметті жүзеге
асыратын ұйымдарға арналған пруденциалдық нормативтерді есептеу
және олардың орындалғандығы туралы есептерді ұсыну Ережелерін
бекіту туралы Қазақстан Республикасының Қаржы нарығын және қаржы
ұйымдарын реттеу мен қадағалау жөніндегі агенттігі Басқармасының
2004 жылғы 25 қыркүйектегі № 264 қаулысы
Осы редакция 2004 ж. 27 тамыздағы енгізілген өзгерістеріне дейін қолданылды
Қазақстан Республикасының "Бағалы қағаздардың нарығы туралы" Заңының 3-бабының 2-тармағының 11), 15)-тармақшаларына, 49-бабына, Қазақстан Республикасының "Қаржы нарығын және қаржы ұйымдарын мемлекеттік реттеу туралы" Заңының 9-бабының 1-тармағының 5), 6)-тармақшаларына сәйкес бағалы қағаздар рыногындағы брокерлік-дилерлік қызметті жүзеге асыратын ұйымдардың қаржы тұрақтылығын қамтамасыз ету мақсатында Қазақстан Республикасының қаржы нарығын және қаржы ұйымдарын реттеу мен қадағалау жөніндегі агенттік Басқармасы (бұдан әрі - Агенттік) қаулы етеді:
1. Бағалы қағаздар рыногындағы брокерлік-дилерлік қызметті жүзеге асыратын ұйымдарға арнап "Меншікті капиталдың жеткіліктілік коэффициенті"-пруденциалдық нормативі белгіленсін.
Меншікті капиталдың жеткіліктілік коэффициентінің мәні күн сайын кем дегенде 1 құрауға тиіс.
2. Осы қаулының 1-қосымшасына сәйкес бағалы қағаздар рыногындағы брокерлік-дилерлік қызметті жүзеге асыратын ұйымдарға арнап пруденциалдық нормативтерді есептеу және оның орындалғандығы туралы есепті ұсыну Ережелері бекітілсін.
3. Осы қаулы күшіне енгізілген күннен бастап осы қаулының 2-қосымшасына сәйкес нормативтік құқықтық актілер күшін тоқтатсын.
4. Бұл қаулы Қазақстан Республикасының Әділет Министрлігінде мемлекеттік тіркеуге алынған күннен бастап он төрт күн өткеннен кейін күшіне енеді.
