«ЕҚТА аумағында жабайы жануарлардың санын есепке алуды ұйымдастыру туралы»
Қазақстан Республикасы Ауыл шаруашылығы министрлігі Орман және аңшылық
шаруашылығы комитеті төрағаның міндетін атқарушының 2005 жылғы 14 қыркүйектегі № 203 бұйрығы.
Мемлекеттік табиғи қорықтардың, мемлекеттік ұлттық табиғи парктердің және мемлекеттік орман табиғи резерваттарының (бұдан әрі - ЕҚТА) 2004 жылғы және 2005 жылдың І жарты жылдығындағы есептеріне жасалған талдау ЕҚТА-да жабайы жануарлардың санын есепке алу тиісті дәрежеде жолға қойылмағанын көрсетті. ЕҚТА есептерінде көрсетілген есеп деректері бойынша сан туралы мәліметтердің азаю немесе көбею жағына қарай күрт өзгеруі не керісінше санның бірқатар жылдар бойы өзгерусіз қалуы салдарынан жануарлар дүниесінің жай-күйін бағалау мүмкін емес. Солай бола тұра облыстық орман және аңшылық шаруашылығы аумақтық басқармалары ЕҚТА аумағында жануарлар дүниесі объектілерінің санын есепке алу жұмысының ұйымдастырылуына бақылау және ішінара бақылау есептерін ұйымдастыру арқылы ЕҚТА берген есеп деректерінің дұрыстығына тексеру жасамайды.
«Жануарлар дүниесін корғау, өсімін молайту және пайдалану туралы» Қазақстан Республикасының Зынының 11 - бабына сәйкес және ЕҚТА-да жабайы жануарлар санын есепке алу жұмысын ретке салу және жүргізілетін есептердің шынайлылығын арттыру мақсатында БҰЙЫРАМЫН:
1. 1 және 2-қосымшаларға сәйкес жабайы жануарлардың санын есепке алу жөніндегі ЕҚТА есеп беруінің жылдық нысандары бекітілсін.
2. Жануарлар дүниесі басқармасы (Мұсабаев Қ.Ш.):
1) Комитеттің ведомстволық бағыныстағы бөлімшелерін жаабйы жануарлардың жекелеген түрлерін есепке алуға арналған Әдістемелік ұсыныстармен қамтамасыз етсін және есепке алу жұмыстарын жүргізуде әдістемелік және практикалық көмек көрсетсін;
2) жабайы жануарлардың санын есепке алуды ұйымдастыру жөніндегі ЕҚТА қызметіне бақылауды күшейтсін.
