«Қазақстан Республикасы Ұлттық Банкінің Қазақстан банкаралық есеп айрысу
орталығы» шаруашылық жүргізу құқығы бар республикалық мемлекеттік
кәсіпорнының төлем жүйесін пайдаланушының жұмыс орнының
қауіпсіздігін қамтамасыз ету ережелерін бекіту туралы»
Қазақстан Республикасының Ұлттық Банкі Басқармасының
1999 жылғы 7 қазандағы № 325 қаулысы
(ҚР Ұлттық Банкі Басқармасының 28.02.02 ж. № 61 қаулысымен
енгізілген өзгерістерімен)
Осы редакция 2006 ж. 2 ақпандағы енгізілген өзгерістеріне дейін қолданылды
"Қазақстан Республикасы Ұлттық Банкінің Қазақстан банкаралық есеп айырысу орталығы" шаруашылық жүргізу құқығы бар республикалық мемлекеттік кәсіпорнының (бұдан әрі - Қазақстан Республикасы Ұлттық Банкінің Қазақстан банкаралық есеп айырысу орталығы) Төлем жүйесін пайдаланушының жұмыс орнының қауіпсіздігін қамтамасыз ету тәртібін белгілеу мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. "Қазақстан Республикасы Ұлттық Банкінің Қазақстан банкаралық есеп айырысу орталығы" шаруашылық жүргізу құқығы бар республикалық мемлекеттік кәсіпорнының төлем жүйесін пайдаланушының жұмыс орнының қауіпсіздігін қамтамасыз ету ережелері бекітілсін және Қазақстан Республикасының Әділет министрлігінде мемлекеттік тіркеуден өткізілген күннен бастап күшіне енгізілсін.
2. Қазақстан Республикасы Ұлттық Банкінің Қазақстан банкаралық есеп айырысу орталығы (Абдулкаримов С.Х.):
1) Заң департаментімен (Шәріпов С.Б.) бірлесіп осы қаулыны және "Қазақстан Республикасы Ұлттық Банкінің Қазақстан банкаралық есеп айырысу орталығы" шаруашылық жүргізу құқығы бар республикалық мемлекеттік кәсіпорнының Төлем жүйесін пайдаланушының жұмыс орнының қауіпсіздігін қамтамасыз ету ережелерін Қазақстан Республикасының Әділет министрлігінде тіркеуден өткізсін;
