Халықты орталықтандырылмаған ауыз су және шаруашылық-тұрмыстық сумен жабдықтау кезінде заңды және жеке тұлғалармен пайдаланылатын су объектілерін тіркеу ережесін бекіту туралы
Қазақстан Республикасы Ауыл шаруашылығы министрлігінің Су ресурстары жөнінде комитеті төрағасының 2006 жылғы 17 ақпандағы № 29 бұйрығы
ҚР Ауыл шаруашылығы министрінің 2012 жылғы 18 сәуірдегі № 19-02/183 бұйрығымен күші жойылды
Қазақстан Республикасы Су кодексінің 92 бабының 1 тармағына сәйкес, БҰЙЫРАМЫН:
1. Берілген халықты орталықтандырылмаған ауыз су және шаруашылық-тұрмыстық сумен жабдықтау кезінде заңды және жеке тұлғалармен пайдаланылатын су объектілерін тіркеу ережесін бекіту.
2. Осы бұйрықтың орындалуына бақылау жасау комитет төрағасының орынбасары Ә. Кеншімовке жүктелсін.
3. Осы бұйрық ресми жарияланған күнінен бастап күнтізбелік он күннің ішінде күшіне енеді.
Қазақстан Республикасы
Ауыл шаруашылығы министрлігінің
Су ресурстары жөнінде
комитеті төрағасының
2006 жылғы 17 ақпандағы
№ 29 бұйрығымен бекітілген
Халықты орталықтандырылмаған ауыз су және шаруашылық-тұрмыстық сумен жабдықтау кезінде
заңды және жеке тұлғалармен пайдаланылатын су объектілерін тіркеу
ережелерi
1. Жалпы ережелер
1. Осы халықты орталықтандырылмаған ауыз су және шаруашылық-тұрмыстық сумен жабдықтау кезінде заңды және жеке тұлғалармен пайдаланылатын су объектілерін тіркеу Ережелері (бұдан әрі - Ережелер), Қазақстан Республикасы Су кодексінің (бұдан әрі - Кодекс) 92 бабының 1 тармағына сәйкес әзірленген және орталықтандырылмаған ауыз су және шаруашылық-тұрмыстық сумен жабдықтау кезінде заңды және жеке тұлғалармен пайдаланылатын жер үсті және жерасты су объектілерін жергілікті атқарушы органдармен тіркеу тәртібін анықтайды.
2. Осы Ережелерде келесі түсініктер мен анықтамалар пайдаланылады:
1) халықты орталықтандырылмаған ауыз сумен жабдықтау - жеке немесе жалпы ашық пайдаланудағы ауыз суды шығындалу жеріне жеткізбей алуға арналған құрылыстарды пайдалану;
