Қазақстан Республикасының Еуразиялық экономикалық қоғамдастық жанындағы Тұрақты өкілі туралы ережені бекіту туралы
Қазақстан Республикасы Президентінің 2001 жылғы 11 қазандағы № 701 Жарлығы
ҚР Президентінің 2015 жылғы 28 тамыздағы № 79 Жарлығымен күші жойылды
«Еуразиялық экономикалық қоғамдастық жанындағы Тұрақты өкілдер комиссиясы туралы уақытша ереже туралы» Еуразиялық экономикалық қоғамдастықтың Мемлекетаралық Кеңесінің 2001 жылғы 31 мамырдағы № 10 шешіміне сәйкес қаулы етемін:
1. Қоса беріліп отырған Қазақстан Республикасының Еуразиялық экономикалық қоғамдастық жанындағы Тұрақты өкілі туралы ереже бекітілсін.
2. Қазақстан Республикасының Yкіметі Қазақстан Республикасының Еуразиялық экономикалық қоғамдастық жанындағы Тұрақты өкілі мен оның аппаратын қаржыландыру және материалдық-техникалық қамтамасыз ету мәселелерін шешсін.
3. Осы Жарлық қол қойылған күнінен бастап күшіне енеді.
Қазақстан Республикасының
Президенті
Н. Назарбаев
Қазақстан Республикасы
Президентінің
2001 жылғы 11 қазандағы
№ 701 Жарлығымен
Бекітілген
Қазақстан Республикасының Еуразиялық экономикалық
қоғамдастық жанындағы Тұрақты өкілі туралы
ЕРЕЖЕ
1. Жалпы ережелер
1. Қазақстан Республикасының Еуразиялық экономикалық қоғамдастық жанындағы Тұрақты өкілі (бұдан әрі - Тұрақты өкіл) Қазақстан Республикасының Президенті тағайындайтын және қызметтен босататын лауазымды адам болып табылады.
Тұрақты өкіл өз қызметінде Қазақстан Республикасының Президентіне, Yкіметіне және Сыртқы істер министрлігіне есеп береді.
2. Тұрақты өкіл лауазымы бойынша Қазақстан Республикасының Төтенше және Өкілетті Елшісіне теңестіріледі.
Тұрақты өкілге «Дипломатиялық қызмет туралы» Қазақстан Республикасының Заңына сәйкес дипломаттық дәреже беру туралы ереже қолданылады.
