“Кеме құжаттарының тізбесін, кеме құжаттарын беру және жүргізу ережесін бекіту туралы” Қазақстан Республикасы Көлік және коммуникациялар министрінің 2005 жылғы 10 ақпандағы № 73-І Бұйрығы
Осы редакция 2006 ж. 27 сәуірдегі енгізілген өзгерістеріне дейін қолданылды
«Ішкі су көлігі туралы» Қазақстан Республикасы Заңының 23-бабына сәйкес БҰЙЫРАМЫН:
1. Қоса беріліп отырған:
1) Кеме құжаттарының тізбесі;
2) Радиожурналды беру және жүргізу ережесі;
3) Кеме рөлін беру және жүргізу ережесі бекітілсін.
2. Қазақстан Республикасы Көлік және коммуникация министрлігінің Көліктік бақылау комитеті (Қ.С.Мұстафин) заңнамада белгіленген тәртіппен Қазақстан Республикасы Әділет министрлігіне осы бұйрықты мемлекеттік тіркеу үшін ұсынуды қамтамасыз етсін.
3. Осы бұйрықтың орындалуын бақылау Қазақстан Республикасы Көлік және коммуникация вице-министрі Е.Ж.Қошановқа жүктелсін.
4. Осы бұйрық ресми жарияланған күнінен бастап күшіне енеді.
Қазақстан Республикасы
Көлік және коммуникация
министрінің
2005 жылғы 10 ақпандағы
№ 73-І бұйрығымен
бекітілген
Кеме құжаттарының тізбесі
1. Кеменің мынадай кеме құжаттары болуы тиіс:
1) Меншік құқығы туралы куәлік;
2) Жүзуге жарамдылығы туралы куәлік;
3) Кеме журналы (өздігінен жүретін кемелер үшін);
4) Кеме рөлі (өздігінен жүретін кемелер үшін);
5) Радиожурнал (егер кеменің кеме радиостанциясы бар болса);
6) Кеме станциясының рұқсаты/лицензиясы (егер кеменің кеме радиостанциясы бар болса);
7) Машина журналы (механикалық қозғалтқыштары бар кемелер үшін);
8) Кемені тексерудің бірыңғай кітабы.
2. Кеме кітабында тіркелген кеменің Кеме билеті болуы тиіс.
3. Көшірмесін осындай куәлік берген орган куәландырған немесе нотариалды куәландырылған Меншік құқығы туралы куәлікті қоспағанда, кемеде кеме құжаттарының түпнұсқалары болуы тиіс.
Қазақстан Республикасы
Көлік және коммуникация
министрінің
2005 жылғы 10 ақпандағы
№ 73-І бұйрығымен
Бекітілген
Радиожурналды беру және жүргізу ережесі
1. Жалпы ережелер
