«1986 жылғы Желтоқсан оқиғасының 20-жылдығына арналған
негізгі шаралар туралы»
Алматы қаласы Әкімінің 2006 жылғы 4 мамырдағы № 2/583 қаулысы
1986 жылғы Желтоқсан оқиғасының 20-жылдығына арналған шараларды өткізуге байланысты Алматы қаласының әкімдігі қаулы етеді:
1. 1986 жылғы Желтоқсан оқиғасының 20-жылдығына арналған негізгі шаралар жоспары бекітілсін.
2. Аудан әкімдері, қалалық құрылымдардың басшылары осы мерекелік шараларға дайындық пен оның өткізілуін қамтамасыз етсін.
3. Осы қаулының орындалуын бақылау Алматы қаласы әкімінің орынбасары С.Т. Сейдумановқа жүктелсін.
Алматы қаласының Әкімі | И. Тасмағамбетов |
Әкімдік хатшысы | К. Тәжиева |
Алматы қаласы әкімішілігінің
2006 жылғы 4 мамырдағы
№ 2/583 қаулысымен
бекітілген
1986 жылғы Желтоқсан оқиғасының 20-жылдығына
арналған шаралар
ЖОСПАРЫ
1. 1986 жылғы Желтоқсан оқиғасына арналған шараларды дайындау және өткізу бойынша қалалық комиссия кұрылсын.
Жауапты: Қала әкімінің орынбасары (Сейдуманов С.Т.);
Ішкі саясат департаменті (Балаева А.Ғ.)
Мерзімі: тамыз
2. 1986 жылғы Желтоқсан оқиғасына арналған ескерткіштің конкурстық жобаларын қабылдау және сұрыптау бойынша қалалық комиссия құрылсын. Сұрыптау қорытындысы негізінде ескерткішті орнату жұмыстарын жүргізетін авторлық ұжым ұсынылсын.
Жауапты: Қала әкімінің орынбасары (Сейдуманов С.Т.);
Мәдениет департаменті (Болман Қ.Н.);
Ішкі саясат департаменті (Балаева А.Ғ.).
Мерзімі: 30 сәуір
2.1. Ескерткіштің ең үздік жобасына (2006 жылдың 1-ші мамырынан 1-ші маусымына дейін) ашық байқау жариялансын және өткізілсін. Байқау шарттары бекітілсін және қалалық «Алматы ақшамы», «Вечерний Алматы» газеттерінде жариялансын.
Жауапты: Мәдениет департаменті (Болман Қ.Н.);
Ішкі саясат департаменті (Балаева А.Ғ.);
«Алматы ақшамы» (Сәрсенбай Қ.Қ.);
«Вечерний Алматы» (Пашина Э.Р.).
Мерзімі: мамыр-маусым
2.2. Ескерткішті орнату орны айқындалсын (Желтоқсан мен Қ. Сатпаев көшелері қиылысының солтүстігіндегі жасыл желектерді бөлу жолағының алдынан).
Жауапты: Мәдениет департаменті (Болман Қ.Н.);
Құрылыс департаменті (Үсенов Қ.Қ.);
