Есірткі құралдары, психотроптық заттар және прекурсорларды ветеринарияда пайдалану ережесін бекіту туралы
Ішкі істер министрлігі Есірткі бизнесіне қарсы күрес және есірткі айналымын бақылау жөніндегі Комитетінің 2006 жылғы 28 маусымдағы № 116 Бұйрығы
ҚР Ішкі істер министрлігінің 2010 жылғы 19 наурыздағы № 114 бұйрығымен күші жойылды
Есірткі, психотроптық заттар, прекурсорлар және олардың заңсыз айналымы мен теріс пайдаланылуына қарсы іс-қимыл шаралары туралы Қазақстан Республикасының Заңының 17 бабының 2 тармағына сәйкес, БҰЙЫРАМЫН:
1. Қоса беріліп отырған Есірткі құралдары, психотроптық заттар және прекурсорларды ветеринарияда пайдалану ережесі бекітілсін.
2. Осы бұйрық ресми жарияланған күнінен бастап қолданысқа енгізіледі.
Келісілді:
Қазақстан Республикасының
Ауыл шаруашылық министрі
2006 жылғы
Қазақстан Республикасы
Ішкі Істер Министрлігінің
Есірткі бизнесіне қарсы күрес
және есірткі айналымын бақылау
жөніндегі комитеті төрағасы
вице-министр бұйрығымен
бекітілген
2006 жылғы 28 маусымдағы
№ 116 бұйрығымен бекітілген
Ветеринарияда есірткі құралдарын, психотроптық заттарды
және прекурсорларды қолдану тәртібі
1. Жалпы ережелер
1. Осы Ереже «Есірткі құралдары, психотроптық заттар, прекурсорлар және олардың заңсыз айналымы мен теріс пайдалануына қарсы іс-қимыл шаралар туралы» Қазақстан Республикасының заңына сәйкес дайындалып ветеринарияда есірткі құралдарын, психотроптық заттарды және прекурсорларды қолдану тәртібін және жағдайын анықтайды.
2. Осы Ережеде қолданылатын негізгі түсініктер:
ветеринария - жануарлардың аурулары мен азықтан улануы (зақымдануын) зерделеуге, олардың профилактикасына, диагностикасына, емдеуге және жоюға, мемлекеттік ветеринариялық қадағалау объектілерінің Қазақстан Республикасының ветеринария саласындағы заңдардың талаптарына сәйкес келуін қамтамасыз етуге, сондай-ақ халықты жануарлар мен адамға ортақ аурулардан қорғауға бағытталған арнаулы ғылыми білімдер мен практикалық қызмет саласы;
