«Қазақстан Республикасының көмір өнеркәсібі қызметкерлерінің ведомстволық наградалары туралы» Қазақстан Республикасы Энергетика және минералдық ресурстар министрінің мідетін атқарушының 2006 жылғы 18 шілдедегі № 198 Бұйрығы (күші жойылды)

«Қазақстан Республикасы Энергетика және минералдық ресурстар министрлігінің мәселелері» Қазақстан Республикасы Үкіметінің 2004 жылғы 28 қазан № 1105 қаулысы 11-тармағының 6) тармақшасына сәйкес бұйырамын:

1. Қоса беріліп отырған:

І, II, III дәрежелі «Шахтер даңқы» белгісімен марапаттау тәртібі туралы нұсқаулық;

І, II, III дәрежелі «Еңбек даңқы» белгісімен марапаттау тәртібі туралы нұсқаулық;

«Көмір өнеркәсібінің құрметті қызметкері» атағын беру тәртібі туралы нұсқаулық;

Ведомстволық омырауға тағатын белгілердің сипаттамасы мен бейнесі;

Куәліктердің үлгілері;

Марапаттау қағазының нысаны бекітілсін.

2. Қазақстан Республикасы Энергетика және минералдық ресурстар министрлігінің Электр энергетикасы және көмір өнеркәсібі департаменті белгіленген заңнамалық тәртіппен:

1) осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін;

2) осы бұйрықты Қазақстан Республикасы Энергетика және минералдық ресурстар министрлігінің барлық құрылымдық бөлімшелерінің, өз қызметін министрлік жетекшілік ететін салаларда жүзеге асыратын ұйымдардың назарына жеткізсін.

3. Осы бұйрық Қазақстан Республикасының Әділет министрлігінде ресми жарияланған күнінен бастап он күн ішінде қолданысқа енгізіледі.

Министрдің міндетін

Қазақстан Республикасы

Энергетика және минералдық

ресурстар министрінің

міндетін атқарушының

2006 жылғы 18 шілдедегі

№ 198 бұйрығымен бекітілді