«Коммуналдық меншікке жатқызылған нысандарға қатысты концессиялар бойынша комиссия құру туралы» Алматы қаласы Әкімдігінің 2006 жылғы 3 қазандағы № 6/1168 қаулысы

«Коммуналдық меншікке жатқызылған нысандарға қатысты концессиялар
бойынша комиссия құру туралы»
Алматы қаласы Әкімдігінің 2006 жылғы 3 қазандағы № 6/1168 қаулысы

Қазақстан Республикасының «Концессиялар туралы» және «Концессия мәселелері бойынша Қазақстан Республикасының кейбір заңдық актілеріне өзгерістер мен толықтырулар енгізу туралы» Заңдарына сәйкес, Алматы қаласының әкімдігі қаулы етеді:

1. Коммуналдық меншікке жатқызылған нысандарға қатысты концессиялар бойынша комиссия құрылсын (бұдан әрі Комиссия).

2. Қоса берілгендер бекітілсін:

1) Комиссия құрамы;

2) Комиссия туралы Ереже.

3. Осы қаулының орындалуын бақылау Алматы қаласы әкімінің бірінші орынбасары Қ.А. Бүкеновке жүктелсін.

Алматы қаласы Әкімдігінің

2006 жылғы 3 қазандағы

№ 6/1168 қаулысымен бекітілген

Коммуналдық меншікке жатқызылған нысандарға қатысты

концессиялар бойынша комиссиясы туралы Ереже

1. Жалпы ережелер

1. Коммуналдық меншікке жататын объектілерге қатысты концессиялар жөнінде комиссия (бұдан әрі - Комиссия) Алматы қаласының әкімдігі жанындағы консультативтік-кеңесші орган болып табылады.

2. Комиссия концессиялық жобаларды қарау және іріктеу үшін құрылады.

3. Комиссия өз қызметінде Қазақстан Республикасының Конституциясы мен заңдарын, Қазақстан Республикасының өзге де нормативтік құқықтық кесімдерін, сондай-ақ осы Ережені басшылыққа алады.

2. Комиссияның міндеттері мен құқықтары

4. Комиссияның негізгі міндеттері:

1) концессиялық жобаларды қарау және іріктеу;

2) конкурсқа қатысушылар берген барлық конкурстық өтінімдерді қарау;

3) концессиялық жобаны және концессия шартының талаптарын нақтылау жөнінде келіссөздер жүргізу;

4) концессионер таңдау жөніндегі конкурстың қорытындылары бойынша концессиялық жобаларды бекіту болып табылады.

5. Комиссия өз міндеттеріне сәйкес:

1) Комиссияның құзыретіне кіретін мәселелер бойынша Қазакстан Республикасының мемлекеттік органдары мен ұйымдарының өкілдерін Комиссия отырыстарына шақыруға және тыңдауға;