Қоршаған ортаны ластағаны үшін 2007 жылға арналған төлемдердің базалық ставкаларын бекіту туралы
Қазақстан Республикасы Қоршаған ортаны қорғау министрінің
2006 жылғы 4 қазандағы № 295-ө Бұйрығы
ҚР Қоршаған ортаны қорғау министрінің 2010 жылғы 2 сәуірдегі № 81-ө бұйрығымен күші жойылды
«Салық және бюджетке төленетін басқа да міндетті төлемдер туралы» Қазақстан Республикасы Кодексінің 462 бабына, «Қоршаған ортаны қорғау туралы» Қазақстан Республикасы Заңының 8 бабындағы 18) тармақшасына сәйкес бұйырамын:
1. Қоршаған ортаны ластағаны үшін 2007 жылға арналған төлемдердің базалық ставкалары бекітілсін.
2. Қазақстан Республикасы кәсіпорындарының Халықаралық стандарттарға көшуін ынталандыру мақсатында қоршаған ортаны қорғауды басқару жүйелерінің ИСО 14001 стандарттарына сәйкестігіне сертификатталған жылу электрстанциялары мен қазандықтар үшін бірыңғай базалық ставкаларға мынадай коэффициенттер енгізілсін:
- күл мен күл шлактары орналастыруға - 0,25;
- тұрақты көздерден ластаушы заттардың шығарындыларына - 0,12.
3. Экологиялық реттеу департаменті осы бұйрықтың Қазақстан Республикасы Әділет министрлігінде мемлекеттік тіркеуден өткізілуін қамтамасыз етсін.
4. Осы бұйрық ресми жарияланғаннан кейін қолданысқа енгізіледі.
