«Сақтандыру (қайта сақтандыру) ұйымының пруденциалдық нормативтер
есебінің нормативтік мәні мен әдістемесі, пруденциалдық нормативтердің
орындалғандығы жөніндегі есепті беру нысандары мен мерзімі туралы
Нұсқаулықты бекіту туралы»
Қазақстан Республикасы Қаржы нарығын және қаржы ұйымдарын реттеу
мен қадағалау агенттігі Басқармасының 2006 жылғы 25 наурыздағы № 87 Қаулысы
Осы редакция 2006 ж. 23 қыркүйекте енгізілген өзгерістеріне дейін қолданылды
«Сақтандыру қызметі туралы» Қазақстан Республикасының Заңын іске асыру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы қаулы етеді:
1. Сақтандыру (қайта сақтандыру) ұйымының пруденциалдық нормативтер есебінің нормативтік мәні мен әдістемесі және пруденциалдық нормативтерді орындау жөніндегі есепті беру нысандары мен мерзімі туралы Нұсқаулық осы қаулының 1-қосымшасына сәйкес бекітілсін.
2. Осы қаулының 2-қосымшасына сәйкес Қазақстан Республикасының нормативтік құқықтық актілері өзінің күшін жойды деп танылсын.
3. Осы қаулы 2006 жылғы 1 маусымнан бастап қолданысқа енеді.
4. Сақтандыру рыногы субъектілерін және басқа қаржылық ұйымдарды қадағалау департаменті (Қаримуллин А.А.):
1) Заң департаментімен (Байсынов М.Б.) бірлесіп осы қаулыны Қазақстан Республикасының Әділет министрлігінде мемлекеттік тіркеу шараларын қолға алсын;
2) осы қаулы Қазақстан Республикасының Әділет министрлігінде мемлекеттік тіркелген күннен бастап он күндік мерзімде оны Агенттіктің мүдделі бөлімшелеріне, «Қазақстан қаржыгерлерінің қауымдастығы» нысанындағы заңды тұлғалар бірлестігіне, сақтандыру (қайта сақтандыру) ұйымдарына жіберсін.
5. Ақпарат технологиясы басқармасы (Бейсенбаев А.Ж.) 2006 жылғы 1 шілдеге дейінгі мерзімде «Сақтандыруды қадағалау» автоматтандырылған ақпарат жүйесін жетілдіруді қамтамасыз етсін.
