«Алматы қалалық Қалақұрылысы комиссиясы туралы»
Алматы қаласы Әкімшілігінің 2003 жылғы 17 сәуірдегі № 1/228 қаулысы
Алматы қаласы Әкімшілігінің 2005 жылғы 12 сәуірдегі № 2/211 қаулысымен күші жойылды
Қазақстан Республикасының 2001 жылғы 24 қаңтардағы «Жер туралы» Заңының және Қазақстан Республикасының 2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» Заңының қабылдануына байланысты, өкілетті мемлекеттік органдардың жерге арналған тиісті құқықтарды беру мәселесі бойынша қызметін үйлестіру мақсатында Алматы қалалық Әкімшілігі қаулы етеді:
1. Алматы қалалық Қалақұрылысы комиссиясы құрылсын.
2. Бекітілсін:
1) Алматы қалалық Қалақұрылысы комиссиясы туралы Ереже (№ 1 қосымша);
2) Алматы қалалық Қалақұрылысы комиссиясының құрамы (№ 2 қосымша);
3) Алматы қалалық Қалақұрылысы комиссиясы жұмыс органының құрамы (№ 3 қосымша)
4) Алматы қалалық Қалақұрылысы комиссиясы қорытындыларының, нысанды жобалауға және салуға арналған жер учаскесін таңдау және келісу, жер учаскесін мақсатты пайдаланудың өзгеруінің және жер учаскіне арналған құқықтарды рәсімдеу актілерінің түрлері (№ 4, № 5 қосымшалар).
3. Алматы қаласы Әкімінің 1998 жылғы 17 қыркүйектегі «Қала құрылысы және жерді пайдалану бойынша комиссиясы туралы» № 892 шешімнің күші жойылды деп танылсын.
4. Осы қаулының орындалуын бақылауды өзіме қалдырамын.
Алматы қаласының Әкімі | В. Храпунов |
Әкімшілік хатшысы | К. Тәжиева |
