«Банктердің пруденциалдық нормативтерді және активтер мен шартты
міндеттемелерді жіктеу туралы мәліметтерді (провизияларды қалыптастыру)
орындау жөніндегі есебін жариялау нысандары мен мерзімдері туралы»
Қазақстан Республикасы Қаржы нарығын және қаржы ұйымдарын реттеу
мен қадағалау агенттігі Басқармасының 2006 жылғы 11 желтоқсандағы
№ 288 Қаулысы
(2007.30.03. берілген толықтыруларымен)
ҚР ҚҚА Басқармасының 2009 жылғы 26 қаңтардағы № 16 қаулысымен күші жойылды
«Қаржы рыногы мен қаржылық ұйымдарды мемлекеттік реттеу және қадағалау туралы» Қазақстан Республикасы Заңының 9-бабына, «Қазақстан Республикасындағы банктер және банк қызметі туралы» Қазақстан Республикасы Заңының 55-бабына сәйкес (бұдан әрі - Заң) Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы қаулы етеді:
1. Екінші деңгейдегі банктер:
1) есепті жылдан кейінгі жылдың 1-мамырына дейінгі мерзімде осы қаулының 1, 2-қосымшасына тиісті аудиторлық ұйыммен расталған Заңның 19-бабының 4-тармағының талаптарына сәйкес банктің пруденциалдық нормативтерді және банк бойынша активтер мен шартты міндеттемелерді жіктеу туралы мәліметтерді (провизияларын қалыптастыру) орындау жөніндегі есебін жарияласын;
2) Агенттікке есепті жылдан кейінгі жылдың 15-мамырына дейінгі мерзімде осы тармақтың 1) тармақшасын орындау туралы мәліметтерді ұсынсын.
ҚР ҚҚА Басқармасының 2007.30.03. № 91 Қаулысымен 1-1-тармақпен толықтырылды
1-1. Екінші деңгейдегі банктер:
1) 2007 жылғы 1 шілдеге дейінгі мерзімде 2006 жылға осы қаулының 1, 2 қосымшасына сәйкес, Заңның 19-бабының 4-тармағының талаптарына сәйкес келетін аудиторлық ұйыммен расталған банктің пруденциалдық нормативтерді орындағаны туралы есебін және банк бойынша активтер мен шартты міндеттемелерді (провизияларды қалыптастыру) жіктеу туралы мәліметтерді жарияласын;
2) Агенттікке 2007 жылғы 15 шілдеге дейінгі мерзімде осы тармақтың 1) тармақшасын орындағаны туралы мәліметтерді ұсынсын.
