«Ең үлгілі пәтер иелері кооперативіне қалалық конкурс өткізу туралы»
Алматы қаласы Әкімдігінің 2007 жылғы 16 қаңтардығы № 1/78 қаулысы
Қазақстан Республикасының «Қазақстан Республикасындағы жергілікті мемлекеттік басқару туралы» Заңына сәйкес пәтер иелері кооперативтерінің (бұдан әрі -ПИК), тұрғын үй қорын сақтау, үйлердің жанындағы және үйлердің аулаларындағы тазалықты жақсарту, тұрғындарға қызмет көрсету сапасын арттыруды қамтамасыз етуге бағытталған жұмыс деңгейін арттыру мақсатында, Алматы қаласының әкімдігі қаулы етеді:
1. Алматы қаласының энергетика және коммуналдық шаруашылық департаменті (В.Н. Устюгов) Алматы қаласындағы аудандық әкімдіктермен бірлесе отырып, ең үлгілі ПИК конкурсын өткізуді ұйымдастырсын.
2. 1 қосымшаға сәйкес «ең үлгілі ПИК» конкурсы туралы Ереже бекітілсін.
3. 2 қосымшаға сәйкес ең үлгілі ПИК конкурсын өткізу жөніндегі қалалық конкурстық комиссияның құрамы бекітілсін.
4. Аудан әкімдері аталған конкурсқа ПИК, ТҮҚК, кондоминиум нысандары басқармаларының белсенді қатысуын қамтамасыз ете отырып, аудандық конкурс өткізуді ұйымдастырсын.
5. Алматы қаласы әкімі аппаратының жұртшылықпен байланыс басқармасы (А.Т. Аспандиярова) конкурсты өткізу және оның қорытындысын шығарудың барысы бойынша оны кеңінен жариялауды қамтамасыз етсін.
6. Осы қаулының орындалуын бақылау Алматы қаласы әкімінің орынбасары А.С. Сманқұловқа жүктелсін.
Алматы қаласының Әкімі | И. Тасмағамбетов |
Әкімдік хатшысы | К. Тәжиева |
1 қосымша
Алматы қаласы акімдігінің
2007 жылғы 16 қаңтардағы
№ 1/78 қаулысымен бекітілді
«Ең үлгілі ПИК» конкурсы туралы Ереже
1. Жалпы ережелер
2007 жылға арналған «Алматы қаласындағы ең үлгілі пәтер иелері кооперативі» (бұдан әрі мәтін бойынша - «Ең үлгілі ПИК») конкурсы Алматы қаласының әкімдігі ұйымдастырып өткізеді.
Конкурс ПИК-тердің тұрғын үй қорын күтіп ұстау және аула аумақтарын көріктендіру жөніндегі жұмысты анықтауға және оң тәжірибені таратуға бағытталған.
