Қазақстан Республикасында 2005-2007 жылдары тұрғын үй құрылысын дамытудың мемлекеттік бағдарламасын Алматы қаласының аумағында жүзеге асыру туралы
Алматы қаласы әкімдігінің 2007 жылғы 16 қаңтардағы № 1/79 Қаулысы
Алматы қаласы әкімдігінің 2011 жылғы 30 желтоқсандағы № 4/1130 Қаулысымен күші жойылды
Қазақстан Республикасы Президентінің 2004 жылғы 11-маусымдағы № 1388 Жарлығымен бекітілген Қазақстан Республикасында тұрғын үй құрылысын дамытудың 2005 - 2007 жылдарға арналған мемлекеттік бағдарламасын орындау негізінде және Қазақстан Республикасы Үкіметінің 2004 жылғы 1- қыркүйектегі «Облыстардың, Астана және Алматы қалалары жергілікті атқарушы органдарының Қазақстан Республикасында тұрғын үй құрылысын дамытудын 2005 - 2007 жылдарға арналған мемлекеттік бағдарламасын іске асыру шеңберінде салынған тұрғын үйді Қазақстан Республикасының азаматтарына сату ережесін бекіту туралы» № 923 қаулысын басшылыққа ала отырып, Алматы қаласынын әкімдігі ҚАУЛЫ ЕТЕДІ:
1. Алматы қаласында тұратын азаматтарға ипотекалық несиелеу жүйесі мен тұрғын үй құрылыс жинақтарын пайдалану арқылы тұрғын үйлерді сату жөніндегі уәкілетті орган болып «Алматы қаласынын Тұрғын үй департаменті» Мемлекеттік мекемесі белгіленсін.
2. 1-қосымшаға сәйкес Ипотекалық несиелеу жүйесі мен тұрғын үй құрылыс жинақтарын пайдалану арқылы сатылатын үйлерді ресімдеу ережесі бекітілсін.
3. 2-қосымшаға сәйкес Қазақстан Республикасында тұрғын үй құрылысын дамытудың 2005 - 2007 жылдарға арналған мемлекеттік бағдарламасы шеңберінде жүргізілетін алдын ала банктік бағалаудан өту үшін жолдама үлгісі бекітілсін.
